ქურდმა მოპარულ ჩანთაში 2 კვირის ჩვილი იპოვა

ინდოეთში, მუმბაიში მცხოვრებმა 20 წლის კიშორ კეილიმ, რომელიც მატარებელში ფრჩხილის ლაქს ყიდდა, ვაგონში მიტოვებული ჩანთა შენიშნა.

იმ იმედით, რომ ჩანთაში ფული იქნებოდა, ჩანთა აიღო და მატარებლიდან გამოვიდა. როდესაც მოგვიანებით სადგურის ბაქანზე მწვანე ჩანთა გახსნა, პატარა ჩვილი დაინახა. კიშორმა გაქცევა და ბავშვის მიტოვება გადაწყვიტა, მაგრამ ბილეთების კონტროლიორმა დაიჭირა.

ძალიან მალე ტერიტორიაზე ხალხი შეიკრიბა, ჩანთაში დაახლოებით 15 დღის ჩვილს მშვიდად ეძინა.

შემთხვევის ადგილზე პოლიცია მივიდა. სამართალდამცავები ინციდენტს იძიებენ.

მომზადებულია dailymail.co.uk-ის მიხედვით.