სენსორებიანი წიგნი, რომელიც პერსონაჟების ემოციას გაგრძნობინებთ

მწერლის იარაღი სიტყვაა, მაგრამ როდესაც საკითხი თანამედროვე ტექნოლოგიებს ეხება, ყველაფერი სხვაგვარადაა. MIT's Media Lab-ის მკვლევარებმა შექმნეს პროექტი - "მგრძნობიარე ბელეტრისტიკა".

ეს არის წიგნი, რომელიც სპეციალური სენსორებისა და განათების წყალობით მკითხველს ფიზიკურად გადასცემს პერსონაჟის გრძნობებს. ჯგუფმა შექმნა ჟილეტი, რომელიც სენსორებით ფუნქციონირებს. მაგალითად, თუ მთავარი გმირი შეშინებულია, ჟილეტში მოთავსებული ჰაერის წნევის ჩანთები იკუმშება. თუ გმირი აღელვებულია, ჟილეტს შეუძლია ვიბრირება მანამდე, სანამ მკითხველის გული უფრო სწრაფად ცემას არ დაიწყებს. თუ პერსონაჟს რცხვენია, ჟილეტი იკუმშება, თბება და კანის ტემპერატურა იცვლება.

იხილეთ ფოტოგალერეა

მომზადებულია dailymail.co.uk-ის მიხედვით.