"ვარდების მოედანი" მთაწმინდის პარკს საბაგიროთი დაუკავშირდება
მაისის ბოლოდან "ვარდების მოედანი" მთაწმინდის პარკს პირდაპირ საბაგიროთი დაუკავშირდება. ამის შესახებ დღეს, სასტუმრო "ქორთიარდ მარიოტში" გამართულ თბილისის 2014 წლის ბიუჯეტის პროექტის პრეზენტაციაზე თბილისის მერის მოადგილემ პაპუნა პეტრიაშვილმა განაცხადა.
პაპუნა პეტრიაშვილის თქმით, მიმდინარე წლის ბიუჯეტის პროექტით გათვალისწინებულია საბაგიროების მშენებლობა, კერძოდ, "ვარდების მოედნიდან" "მთაწმინდის პარკამდე" ახალი საბაგირო მოეწყობა. პეტრიაშვილმა აღნიშნა, რომ ამ მიზნით გათვალისწინებულია 3 მილიონი ლარი. თანამედროვე საბაგიროს მოსაწყობად სამუშაოები უკვე დაწყებულია. ეს პროექტი "მთაწმინდის პარკთან" ერთად განხორციელდება, ხოლო ბიუჯეტიდან გამოყოფილ თანხებს "მთაწმინდის პარკი" შემდეგ აანაზღაურებს.
მისივე განცხადებით, ტექნიკური პირობების გამო რუსთაველზე არსებული ძველი სადგური აღარ იფუნქციონირებს, ახალი სადგური მოეწყობა "ვარდების მოედანზე". ახალი საბაგირო იქნება იმ ტიპის, როგორიც რიყის ტერიტორიაზე არის მოწყობილი.
ახალი საბაგიროს მშენებლობა სავარაუდოდ მაისის ბოლოს, ივნისის დასაწყისში დასარულდება. ამასთან, თბილისის მერია წელს სამგორი-ვაზისუბნის საბაგიროს აღდგენასაც გეგმავს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
