ვეჯინში მომხდარ ავარიას მოლდოვას მოქალაქე ემსხვერპლა

გურჯაანი-ბაკურციხის ცენტრალური მაგისტრალის ვეჯინის მონაკვეთზე მომხდარ ავარიას მოლდოვას ერთი მოქალაქე ემსხვერპლა.

ტელეკომპანია "რუსთავი 2"-ის ინფორმაციით, დაშავებულია ამავე ქვეყნის კიდევ ერთი მოქალაქე.

არსებული ცნობით, სატვირთო მანქანას მოლდოვას მოქალაქე მართავდა, მან საჭე ვერ დაიმორჩილა და მანქანა გადაბრუნდა. მძღოლი მძიმედ დაშავდა, მგზავრი კი ადგილზე გარდაიცვალა.

დაშავებული სხვადასხვა მოტეხილობით გურჯაანის საავადმყოფოშია გადაყვანილი.

გავრცელებული ინფორმაციით, ავტომანქანაში მამა-შვილი იმყოფებოდა. საჭეს მამა მართავდა.

"ინტერპრესნიუსი"