კიევში "ბერკუტი" დემონსტრანტებს ხელკეტებით გაუსწორდა

კიევში, პარტია "რეგიონების" ცენტრალური ოფისი "ბერკუტმა" და ე.წ. "ტიტუშკებმა" დემონსტრანტებისგან გაათავისუფლეს. ამის შესახებ უკრაინული მედია იუწყება.

liga.net-ის ინფორმაციით, რამდენიმე ასეული ძალოვანი და დაახლოებით ათასამდე "ტიტუშკი" დემონსტრანტებს ხელკეტებითა და ხელჯოხებით გაუსწორდა. ამ დროისთვის პარტიის ცენტრალურ ოფისში მეხანძრეები ხანძარს აქრობენ.

მომიტინგეებმა ინსტიტუტსკაიას ქუჩაზე გადაინაცვლეს. დაშავებულია რამდენიმე ადამიანი.