გოკა გაბაშვილი - პრეზიდენტს არც ერთ საკითხთან ახლოს არ აკარებენ

საპარლამენტო უმცირესობა იმედს გამოთქვამს, რომ 21 თებერვალს, პარლამენტში საქართველოს პრეზიდენტის გამოსვლის შემდეგ, პოლიტიკური დებატების შესაძლებლობა მიეცემათ.

საპარლამენტო უმცირესობის ერთ-ერთი ლიდერის გოკა გაბაშვილის განცხადებით, პრეზიდენტი თითქმის ყველა საკითხში პასიურია, რის გამოც ის მნიშვნელოვან შეკითხვებს პასუხს არ გასცემს.

"პრეზიდენტის გამოსვლის შემდეგ პოლიტიკური დებატები საიტერესო იქნება და ამაზე გავმართავთ კონსულტაციებს პარლამენტის თავმჯდომარესთან, თუმცა პრეზიდენტი ყველა საკითხზე პასიურია და ის არ ერევა არც ერთ მათგანში, იმაზეც კი რაზეც უნდა გამოხატოს საკუთარი პოზიცია. მას არც ერთ საკითხთან ახლოს არ აკარებენ", –აცხადებს უმცირესობის ერთ-ერთი ლიდერი გოკა გაბაშვილი.

პრეზიდენტის პარლამენტში ანგარიშით გამოსვლა 21 თებერვალს 14 :00 საათზე დაიწყება.

"ინტერპრესნიუსი"