2014 წელი შესაძლოა, მეტეოდაკვირვების ისტორიაში ყველაზე ცხელი აღმოჩნდეს. დედამიწის ერთი რეგიონის მაცხოვრებლებს ხანძრები და გვალვა ელის, სხვების მკვიდრთ კი - წვიმები და წყალდიდობები. ბუნებრივ კატაკლიზმებში დამნაშავე ფენომენი "ელ-ნინიო" გახდება, თვლიან გისენის უნივერსიტეტის გერმანელი მეცნიერები.
"ელ-ნინიო" წყნარი ოკეანის ეკვატორული ნაწილის ზედაპირული ფენის ტემპერატურის რყევაა, რომელიც შესამჩნევ გავლენას ახდენს კლიმატზე. მოვლენას ექსპერტები დიდი ხანია აკვირდებიან, მაგრამ ბოლო დრომდე ამინდზე მისი გავლენის მხოლოდ მოკლევადიან პროგნოზს აკეთებდნენ.
სპეციალისტებმა უკვე გაარკვიეს, რომ "ელ-ნინიო" საუკუნის ბოლოს ბუნებრივი კატაკლიზმების რაოდენობას ორჯერ გაზრდიდა, ხოლო გერმანელი მეცნიერების ახალმა კვლევამ აჩვენა, რომ კლიმატის სერიოზული ცვლილებას 75%-იანი ალბათობით, უკვე წლის ბოლოს უნდა ველოდოთ.