"ტორპედოს" სტადიონზე ჩხუბის მონაწილეები სასამართლომ 100 ლარიდან 500 ლარამდე დააჯარიმა

ქუთაისის საქალაქო სასამართლომ "ტორპედოს" გულშემატკივრები 100 ლარიდან 500 ლარამდე დააჯარიმა. "ტორპედოს" გულშემატკივრების დაჯარიმების მიზეზი, გუშინ, სტადიონზე მომხდარი ინციდენტი გახდა. ქუთაისის "ტორპედოს" გულშემატკივრები გუშინ სტადიონზე შეიჭრნენ და თბილისის "დინამოს" ფეხბურთელებს დაუპირისპირდნენ. მათი შეჩერება პოლიციამ ვერ შეძლო.

ინციდენტის შედეგად ფეხბურთის მატჩიც ჩაიშალა.

აღნიშნული ინციდენტის გამო, პოლიციამ 16 გულშემატკივარი წვრილმანი ხულიგნობისა და პოლიციისათვის წინააღმდეგობის გაწევის ბრალდებით დააკავა.

"ინტერპრესნიუსი"