უკრაინის ხელისუფლებამ რუსეთს ევროსასამართლოში უჩივლა

უკრაინის ხელისუფლებამ რუსეთს ადამიანის უფლებათა ევროპულ სასამართლოში უჩივლა. ამის შესახებ ინფორმაციას უკრაინული მედია ავრცელებს. გავრცელებული ინფორმაციით, ევროსასამართლოში უკრაინის ხელისუფლებამ რუსეთის წინააღმდეგ საჩივარი ყირიმში ქმედებების გამო შეიტანა.

ამასთან, უკრაინული მედიის ცნობით, ევროსასამართლომ საჩივრის მიღების შემდეგ, სასამართლო ინსტანციის წარმომადგენელმა მხარეებს მოუწოდა, თავი შეიკავონ ნებისმიერი სამხედრო ქმედებისა და ნაბიჯებისგან, რომელიც შეზღუდავს ადამიანთა უფლებებს და ადამიანის უფლებათა კონვენციის ნორმებს დაარღვევს.

მომზადებულია liga.net-ის მიხედვით.