12 წლის საბა ჩოჩნიძე ყოჩივარდების დაკრეფვის დროს ტრაგიკულად გარდაიცვალა
ბორჯომში 12 წლის საბა ჩოჩნიძე ტრაგიკულად გარდაიცვალა. ის ბებიისთვის დაბადების დღის მისალოცად, პეტრეს ციხეზე ყოჩივარდების დასაკრეფად წავიდა, რა დროსაც, კლდე ჩამოიშალა და მოზარდი იმსხვერპლა. კლდესთან მომუშავე მუშებმა და სამაშველო სამსახურის თანამშრომლებმა მას ცოცხალს ვერ მიუსწრეს.
საბა ჩოჩნიძე ბორჯომის მეოთხე საჯარო სკოლის მეშვიდე კლასის მოსწავლე იყო. კლასის დამრიგებელი და მეგობრები მას, როგორც ცელქ და ნიჭიერ ბავშვს ახასიათებენ. კლასელებმა საბას მერხზე მისი კუთხე მოაწყვეს და მისი სულისთვის ლოცულობენ. გამორჩეულ და საყვარელ მოსწავლეს მთელი სკოლა გლოვობს.
"საბა ჩვენი კარგი მეგობარი იყო და ყველას გვემახსოვრება. ის სხვა კლასის მოსწავლეებთანაც მეგობრობდა. ჩვენ მისთვის ლოცვებს ვკითხულობთ. გვჯერა, რომ იქიდან დაგვეხმარება. მას სურდა ყველასთვის მისაბაძი ყოფილიყო. ბანკეტსაც კი გეგმავდა, როგორი მანქანით და რომელ გოგოსთან ერთად მოვიდოდა. საბას გარეშე ჩვენი კლასი ვერ წარმოგვიდგენია", - ამბობენ მისი მეგობრები.
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
