ივლისის ასტროლოგიური პროგნოზი მერწყულებისთვის - "ზოგიერთმა შეიძლება ერთდროულად რამდენიმე რომანი გააბას"

თვის მთავარი საზრუნავი ჯანმრთელობა და სამსახურის საქმეებია. განსაკუთრებული არაფერი მოხდება, მაგრამ ცოტ-ცოტა ყველაფერი იქნება. ნუ ელოდებით დაწინაურებას, ჯერ დაწყებული პროექტები უნდა დაასრულოთ. იყავით მობილიზებული ყოველდღიურ საქმეებზე. ზოგიერთმა კი შეიძლება შვებულებაში გასული კოლეგის საქმეებიც შეითავსოს. ნებისმიერ სიტუაციაში ყურადღებას ნუ მოაკლებთ ჯანმრთელობას. თუ საკუთარ თავს გარკვეულ სიმპტომებს ატყობთ, გაესინჯეთ მკურნალ ექიმს.

• სწავლა, ბიზნესი, კონტაქტები

ის შეფერხებები და წინაღობები, რამაც წინა თვეში ნერვები მოგიშალათ, ნელ-ნელა გაიფანტება და თქვენთვის მნიშვნელოვან ყველა საკითხს მშვიდად შეასრულებთ. ზოგიერთმა შეიძლება დამატებით სამსახურის ძებნა გადაწყვიტოს, უფროსმა - ახალი თანამშრომლების შტატში აყვანა. ზოგი ბიზნესის გაფართოებას გადაწყვეტს. მოაწესრიგებთ დოკუმენტებს, მიიღებთ საჭირო საბუთებს. ჩაეწერეთ ექიმთან კონსულტაციაზე, შეიძლება მკურნალობის კურსის გავლამ მოგიწიოთ.

• ფული და სიყვარული

მარტოხელებს რომანტიკული შეხვედრები და თავგადასავლები გელით. ზოგიერთმა ერთდროულად შეიძლება რამდენიმე რომანიც კი გააბას. არც ერთდღიან გატაცებებს გამოვრიცხავთ. ვერ გეტყვით, რომ რომანი დაწყვილებით დაგვირგვინდენა, მაგრამ უნდა გაგაფრთხილოთ, რომ თავქარიანი გატაცების გამო შარში არ გაჰყოთ თავი. გაგიუმჯობესდებათ მატერიალური მდგომარეობაც. შეიძლება წინა თვეების დაგვიანებული თანხა ახლა მიიღოთ. ზოგს კი ფული სრულიად მოულოდნელი წყაროდან გამოუჩნდება.

• ჯანმრთელობა

ხანმოკლე მგზავრობა, ქალაქგარეთ გამგზავრება საუკეთესოა თქვენთვის. შეგიძლიათ პიკნიკები მოაწყოთ ან საზაფხულო თამაშებით გაირთოთ თავი. გაუფრთხილდით ხელებს და კანს.

• ქალებისთვის

თვის პირველ ნახევარში მოაგვარებთ იმ საკითხებს, რომლებიც ან გადადებული გქონდთ, ან არ გეცალათ მათთვის. ზოგი სარფიან ხელშეკრულებას გააფორმებს და ფულსაც მიიღებს. თვის მეორე ნახევარი მეტად დაუთმეთ დასვენებას. მოერიდეთ უსიამოვნებაში გახვევას, საქმეების გარკვევას.

• მამაკაცებისთვის

საინტერესო მოვლენებით დატვირთული თვე გელით. შეგიძლიათ რთული საქმეებიც მოაგვაროთ და დაწყებულებიც მიიყვანოთ ლოგიკურ დასასრულამდე. ინტუიციაზე დაყრდნობით იმოქმედეთ, ის სწორად გიკარნახებთ რა გზას უნდა დაადგეთ. ზოგი სარფიან ხელშეკურლებას გააფორმებს. ზოგი წარმატებით მოაგვარებს ოჯახში წარმოქმნილ უსიამოვნებებს, დაეხმარება ნათესავებს სირთულეების დაძლევაში. თქვენ ყოველთვის ეხმარებით გარშემო მყოფებს, მათგან მადლობას კი არასდროს ელით, ივლისში მადლიერებება მოიმატებს და მიიღეთ ის ღირსეულად.