Toyota 2012 წლისთვის იაფფასიან ავტომობილს გამოუშვებს

კომპანია Toyota 2012 წლისთვის ბიუჯეტური ავტომობილის გამოშვებას გეგმავს, რომლის ფასი 11,5 ათას დოლარს არ აღემატება. ავტომობილი უმთავრესად ჩინეთისა და სამხრეთ-აღმოსავლეთ აზიის ბაზრებისთვის იქნება გამიზნული.

ბიუჯეტური ავტო Yaris-ის ბაზაზე აიწყობა. ამ ავტომობილის და მისი დეტალების წარმოებას Toyota იმავე ქვეყნებში აპირებს, სადაც მის გაყიდვას ყველაზე მეტად ეცდება. ავტოკონცერნში იმედოვნებენ, რომ ამ გზით წარმოების ხარჯებს 30-40 პროცენტით შეამცირებენ.

პარალელურად, იაფ ავტომობილზე იაპონურ კონცერნზე დაქვემდებარებული კომპანია Daihatsu-ც მუშაობს, რომელიც პროდუქტს Toyota-ს ბრენდით გაყიდის. ანალიტიკოსთა თქმით, Toyota ბიუჯეტური ავტომობილების გამოშვებით სწრაფად მზარდი ჩინეთისა და ინდოეთის ბაზრების დაპყრობას შეძლებს.

წელს იაპონურმა კონცერნმა ბიუჯეტური მოდელი Etios უკვე წარმოადგინა. ავტომობილი 1,2, 1,4 და 1,4-ლიტრიანი ძრავებით არის აღჭურვილი. მოდელის ფასი 10 ათას დოლარამდე იქნება და ინდოეთში გაიყიდება.

მომზადებულია lenta.ru-ს მიხედვით.