ნიკოლოზ გაბაონის წიგნის, "აივნიანი ქალაქის" წარდგენა გაიმართება

ჩაის სახლში "ალტჰაუსი" (ოპერასთან), 30 ნოემბერს, 19.00 საათზე ნიკოლოზ გაბაონის წიგნის, "აივნიანი ქალაქის" წარდგენა გაიმართება.

"პალიტრა L"-ში აცხადებენ, რომ  ნიკოლოზ გაბაონი საქართველოში აღმოსავლეთმცოდნე ისტორიკოსთა სკოლის ფუძემდებლის, აკადემიკოს ვალერიან გაბაშვილის ფსევდონიმია.

"აივნიანი ქალაქი მის მიერ დაწერილი რომანია. მიიჩნევა, რომ პროზაში ისევე დაუდგა XIX საუკუნის თბილისს ძეგლი, როგორც იოსებ გრიშაშვილმა - პოეზიაში", -აცხადებენ ღონისძიების ორგანიზატორები.

წიგნს წარადგენენ: ისტორიის მეცნიერებათა დოქტორი მანანა გაბაშვილი, მწერალი, ლიტერატურათმცოდნე მაკა ჯოხაძე და რეჟისორი ბუბა ხოტივარი.