კრისტინ ზემსკის რეალისტური საცეცები

კრისტინ ზემსკი ცნობილი პოლონელი დეტექტივისტია, რომლის ნაწარმოებებიც არა მხოლოდ მის ქვეყანაში, არამედ პოლონეთის საზღვრებს გარეთაც დიდი პოპულარობით სარგებლობს.

ყურადღებიანი მკითხველი კრისტინ ზემსკის რომანებში აღმოაჩენს არა მხოლოდ დეტექტივისთვის ტრადიციულ მძაფრ სიუჟეტს, სხვადასხვა რანგის დამნაშავის ნებისმიერ ფასად პოვნისა და გამოაშკარავების წყურვილს, კორუმპირებული ხელმძღვანელებისთვის ნიღბის ჩამოხსნის მცდელობას, არამედ სავსებით ჯანსაღ შეხედულებებს თვით სისტემაზე. მისი დეტექტივები საკმაოდ რეალისტური და ხშირად ნატურალისტურიცაა, რის გამოც მწერალმა დიდი წარმატება მოიპოვა.

განსაკუთრებით ცნობილია ზემსკის დეტექტიური რომანი "ოქროს საცეცები". ნაწარმოებში ჯაშუშთა ჯგუფის გამოაშკარავების შესახებ არის მოთხრობილი. ამ მძაფრსიუჟეტიანი რომანის მიხედვით აუდიოწიგნი გამოვიდა, გადაღებულია მხატვრული ფილმები და ნაწარმოები ბევრ ენაზეა თარგმნილი. თვით ავტორის თქმითაც, ეს მისი საყვარელი ნამუშევარია, რომელსაც ყველაზე მეტი დრო და ენერგია დაახარჯა და მასში ყველაზე უკეთ ჩანს მისი მსოფლმხედველობა და იდეოლოგია.

ჟურნალი "რეიტინგი"

(გამოდის ორშაბათობით)