რუპერტ მერდოკის გაზეთის გარშემო ატეხილ სკანდალს წიგნად გამოსცემენ

მედიამაგნატ რუპერტ მერდოკის გამოცემის News Of The World-ის გარშემო ატეხილი სკანდალი ბრიტანული "გარდიანის" ჟურნალისტ ნიკ დევისისთვის წარმატების მომტანი აღმოჩნდა.

დევისი პირველია, ვინც გამოცემის "ბინძური" მუშაობის სტილის შესახებ მოიპოვა ინფორმაცია და ამ თემაზე სტატია დაწერა. ჟურნალისტმა ერთ-ერთ საგამომცემლო კომპანიასთან კონტრაქტი გააფორმა და სულ მალე ამ ისტორიის შესახებ წიგნს გამოსცემს. წიგნის გამოცემა 2012 წლის შემოდგომაზე იგეგმება.

შეგახსენებთ, News Of The World 10 ივლისს დაიხურა. გამოცემის თანამშრომლები კერძო დეტექტივების დახმარებით ცნობილი ადამიანების, მათ შორის სამეფო ოჯახის წევრების სატელეფონო საუბრებს უსმენდნენ.

მომზადებულია cnn.com-ის მიხედვით.