კვირის ყველაზე კითხვადი სტატიები
თვის ყველაზე კითხვადი სტატიები
შრიფტი
14:09 / 07-03-2012
მწერალ ოტია იოსელიანის ანდერძების ბათილად ცნობის თაობაზე სარჩელი ნაწილობრივ დაკმაყოფილდა
ქუთაისის საქალაქო სასამართლოს გადაწყვეტილებით ნაწილობრივ დაკმაყოფილდა ოტია იოსელიანის შვილების მანანა, რამაზ და აბესალომ იოსელიანების სარჩელი მწერალ ოტია იოსელიანის ანდერძების ბათილად ცნობის თაობაზე.

როგორც "ინტერპრესნიუსს" უზენაესი სასამართლოს პრესსამსახურიდან აცნობეს, მოსარჩელეები 2011 წლის 3 ივნისსა და 2011 წლის 7 ივლისს შედგენილი ანდერძების სრულ გაბათილებას ითხოვდნენ იმ საფუძვლით, რომ სადავო ანდერძები არ აკმაყოფილებდა საქართველოს სამოქალაქო კოდექსით გათვალისწინებულ მოთხოვნებს. მწერალმა სიკვდილამდე თავის მემკვიდრეებს შორის, შვილებთან ერთად, ოჯახის ახლობლებიც დაასახელა. მან მანანა, რამაზ და აბესალომ იოსელიანებს საქართველოს ბანკის ბარათზე არსებული მთლიანი თანხა დაუტოვა. მეგობარ თეიმურაზ
კეპულაძეს "ვოლვოს" მარკის ავტომანქანა და "ტოიოტას" ჯიპი, ხოლო "ლიბერთი ბანკის" ბარათზე არსებული თანხა - თამარ გელოვანს უანდერძა; ეკლესიას 8000 ლარი, სამხატვრო სკოლას კი - 1000 ლარი. მწერლის შვილებმა თავიანთი სარჩელის მოპასუხეებად მხოლოდ თამარ გელოვანი და თემურაზ კეპულაძე დაასახელეს.

სასამართლო განხილვისას დადგინდა, რომ 2011 წლის 3 ივნისს შედგენილი ანდერძი არ იყო დაწერილი ოტია იოსელიანის მიერ, მასზე არსებული ხელმოწერა კი მწერალს ეკუთვნის. ამასთან, 2011 წლის 7 ივლისს ტექნიკური საშუალებების გამოყენებით შესრულებული ანდერძის შედგენა და მასზე მოანდერძის მიერ ხელმოწერის შესრულება არ მომხდარა ორი მოწმის თანდასწრებით.

როგორც სასამართლოში აცხადებენ, "გადაწყვეტილების მიღებისას სასამართლომ იხელმძღვანელა საქართველოს სამოქალაქო კოდექსით, რომლის თანახმად მოანდერძეს შეუძლია თავისი ხელით დაწეროს ანდერძი და ხელი მოაწეროს მას. ამავე კოდექსის მიხედვით, ანდერძის ტექსტი შეიძლება გადმოიცეს საზოგადოდ მიღებული ტექნიკური საშუალებებით, ოღონდ ხელმოწერილი უნდა იყოს მოანდერძის მიერ. ასეთ შემთხვევაში ანდერძის შედგენა და მოანდერძის მიერ ხელის მოწერა უნდა მოხდეს ორი მოწმის თანდასწრებით. მოწმეთა მიერ ანდერძის დადასტურება უნდა მოხდეს მოანდერძის მიერ ანდერძზე ხელის მოწერის შემდეგ დაუყოვნებლივ, მოანდერძისა და ორივე მოწმის თანდასწრებით ანდერძზე სათანადო წარწერის გაკეთებით, მოწმეთა სახელის, გვარისა და საცხოვრებელი ადგილის მითითებით".

საქმის განხილვის დროს სასამართლომ დაადგინა, რომ "მოსარჩელეთა მიერ მოპასუხედ არ იქნა დასახელებული ყველა ის პირი, ვისაც მოანდერძემ 2011 წლის 03 ივნისის და 2011 წლის 07 ივლისის ანდერძებით ქონების გარკვეული ნაწილი უანდერძა. შესაბამისად, სასამართლომ საქართველოს სამოქალაქო კოდექსზე დაყრდნობით უარი უთხრა მოსარჩელეებს მწერლის ანდერძების სრულად ბათილად ცნობაზე და მათი მოთხოვნა დააკმაყოფილა ნაწილობრივ, მხოლოდ მოპასუხედ დასახელებული თამარ გელოვანის და თეიმურაზ კეპულაძის მიმართ გაცემული საანდერძო განკარგულების ნაწილში".

"ინტერპრესნიუსი"
00:09 / 31-05-2014
ლუკა
0
აუ ძაან გთხოვთ რაც არ იცით ნუ ლაპარაკობთ რა, მითუმეტეს რომ ბევრი რამეა დაფარული ამ საქმიდან .ბატონი ოტიას შვილები ასე სალანღავები ნამდვილად არ არიან, პირადად ვიცნობ ბატონ რამაზს(ბაჩოს) და მინდა გითხრათ რომ ეს ადამიანი არის ნამდვილი ეტალონი, ეს არის ადამიანი რომელმაც საკუთარი ცხოვრება სამშობლოს მიუძღვნა და დღესაც მის სამსახურშია !
22:12 / 14-03-2012
დათო
0
საერთოდ ყველა დიდ ადამიანს ხშირ შემთხვევაში "მეშჩანი"შვილები ჰყავთ ასეა აქაც სიცოცხლეში მამა არ ახსოვდათ .ხოლო სიკვდილის მერე მისი ქონება.
ამ კატეგორიის სხვა სიახლეები
17:11 / 19-11-2017  Image კახა კალაძე - მომავალში მშენებლობებზე ნებართვების გაცემა განსხვავებული იქნება
"სამწუხაროდ, რაც აშენდა, იმას ვერაფერს ვუზამთ"
12:19 / 19-11-2017  Image რუსეთში შექმნილ iPhone X-ზე შავი ხიზილალა, ქვეყნის გერბი და ჰიმნია გამოსახული
კომპანიამ კიდევ ერთი ექსკლუზიური მოდელი შექმნა, რომელიც მოსკოვში ბინის ფასი ღირს
16:07 / 18-11-2017  Image რომელი ქალაქები დაიტბორება ყინულის დნობის შედეგად - NASA-ს პროგნოზი
მეცნიერებმა პროგრამა შექმნეს, რომელსაც მყინვარების დნობის შედეგად დატბორვის სავარაუდო არეალების დადგენა შეუძლია
16:33 / 13-01-2017  Image 10 წესი, როგორ მოიზიდოთ ფული - ძველი ჩინური სიბრძნე
ფენ შუი უძველესი ჩინური სიბრძნეა, რომლის მიხედვითაც სამყარო ერთი დიდი ორგანიზმია და
16:15 / 18-11-2017  Image სექსრობოტ სამანტაზე მოთხოვნა იმდენად დიდია, მწარმოებლებს საჭირო რაოდენობის დამზადება უჭირთ
სილიკონის სამანტას მუქი ყავისფერი თმა აქვს, მწვანე თვალები და რეალურის მსგავსი სასქესო ორგანოები
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49