კვირის ყველაზე კითხვადი სტატიები
თვის ყველაზე კითხვადი სტატიები
შრიფტი
07:19 / 05-05-2012
ნოდარ ტაბიძე: "ზოგჯერ შუაღამისას მეღვიძება და გალაკტიონის ლექსებს ვბუტბუტებ"
"კომპიუტერი გარკვეული თვალსაზრისით მართლაც ასრულებს ბოროტი დედინაცვლის როლს. და მაინც - წიგნს ვერაფერი შეცვლის. იგი მხოლოდ ინფორმაციას კი არ გვაწვდის, არამედ აზროვნებასაც გვასწავლის, სულიერად გვამაღლებს და გვაფაქიზებს"


"მე და ჩემს ძმას მამა ყოველ შაბათ საღამოს "ვეფხისტყაოსნის" შინაარსს გვიამბობდა. მერე რუსულად გვიკითხავდა პუშკინს და გვითარგმნიდა. - იხსენებს გალაკტიონ ტაბიძის ძმისწული, პროფესორი ნოდარ ტაბიძე.

- რა არის წიგნი ნოდარ ტაბიძისთვის?
- წიგნი არის ოცნებათა სარკმელი და რეალობის მფეთქავი ძარღვი. მისი მეოხებით შეგიძლია იგრძნო ტროპიკების სიმხურვალე და ანტარქტიკის სიცივე, შეეკამათო არისტოტელეს და გაესაუბრო რუსთაველს, იყო მადამ ბოვარის მესაიდუმლე და "ლამაზი მეგობრის" მოწინააღმდეგე...

- წიგნი ვინ შეგაყვარათ?
- ჩვენს ოჯახში წიგნის კულტი იყო და არის. უმდიდრესი საგვარეულო ბიბლიოთეკაც გვაქვს. კარგად მახსოვს: პატარა ბიჭებს, მე და ჩემს ძმას, მამა ყოველ შაბათ საღამოს "ვეფხისტყაოსნის" შინაარსს გვიამბობდა, მერე რუსულად გვიკითხავდა პუშკინს და გვითარგმნიდა. ყველაზე მეტად ეს ეპიზოდი დამამახსოვრდა: - ბიჭებო, დროა, ბარვა ისწავლოთ, რამდენ კვადრატულ მეტრსაც დაბარავთ, იმდენ აბაზს მოგცემთ, ოღონდ ერთი პირობით: იმ ფულით მხოლოდ წიგნები უნდა ვიყიდოთო. დროდადრო ახლაც ვფურცლავ მამის ნაჩუქარ იმ საბავშვო წიგნებს და ვერც კი წარმოიდგენთ, რაოდენ ბედნიერი ვარ.

- დღევანდელი საზოგადოების წიგნიერებაზე რას ფიქრობთ?
- დღეს უთუოდ იგრძნობა წიგნისადმი გულგრილობა. ამის ერთ-ერთი მიზეზი ტექნიკის მოძალებაა. კომპიუტერი გარკვეული თვალსაზრისით მართლაც ასრულებს ბოროტი დედინაცვლის როლს. და მაინც - წიგნს ვერაფერი შეცვლის. იგი მხოლოდ ინფორმაციას კი არ გვაწვდის, არამედ აზროვნებასაც გვასწავლის, სულიერად გვამაღლებს და გვაფაქიზებს.

მე ჩემი ანა კარენინა მყავს, შენ - შენი. ეკრანზე გაცოცხლებული პერსონაჟი მაინც სხვაა. მას სწორედ ის აკლია, რაც მე კითხვისას აღმოვაჩინე.

- როგორ შევაყვაროთ ბავშვს წიგნის კითხვა?
- რა არის საჭირო იმისათვის, რომ წიგნის სიყვარული შევინარჩუნოთ? პასუხის მოკლედ გაცემა ჭირს. ამ შემთხვევაში გვერდიგვერდ უნდა იდგნენ მშობლები, პედაგოგები, მეგობრები, თვით
მოციმციმე რეკლამაც კი. ცხადია, თითოეულის ფუნქცია ნიუანსობრივად განსხვავებული იქნება. თავიდათავი მაინც ის არის, რომ ბავშვმა წიგნი სწორად დააჭაშნიკოს.

- ყველაზე ხშირად რომელ ავტორებს უბრუნდებით?
- სასთუმალთან ორი წიგნი მიდევს - ბიბლია და გალაკტიონის "რჩეული". როგორი დაღლილიც უნდა ვიყო, საღამოს მაინც გადავშლი ბიბლიას და სამ-ოთხ აბზაცს გადავიკითხავ. ზოგჯერ შუაღამისას მეღვიძება და გალაკტიონის ლექსებს ვბუტბუტებ, ვამოწმებ საკუთარ თავს - ხომ ისევ შემიძლია 20 ლექსის უშეცდომოდ წარმოთქმა.
პოეზია ჩემთვის ის ცეცხლია, რომელიც არა მხოლოდ მათბობს, არამედ გზასაც მინათებს.

- ახალ წიგნებს თვალს ადევნებთ?
- მწიგნობრობის განვითარების თვალსაზრისით საქართველოში დღეს ბევრი რამ კეთდება. ითარგმნა არაერთი კარგი ნაწარმოები, შეიქმნა სერიები და ბიბლიოთეკები, გაძლიერდა პოლიგრაფიული ბაზა... საგულისხმოა "მედიაპალიტრის" პროექტები - წიგნი ჟურნალ-გაზეთებთან ერთად, "50 წიგნი, რომელიც უნდა წაიკითხო, სანამ ცოცხალი ხარ".

დავით ოქრუაშვილი


ყოველკვირეული გაზეთი "ყველა სიახლე"
(გამოდის ოთხშაბათობით)
05:32 / 20-03-2014
nika
0
არ ვიცი ტვინი ასე რამ ჩაგილპოდ და გამოგირეცხათ. უსაკმურების და გიენბის ნაღებო საზოგადობავ თქვე ცხვირ მოუხოცავო და გაუპარსავო ქალებო. სხვისი ცხოვრების განკოცვით მცხოვრებნო. არც ერთი არ დაფიქრდით იმ ლიტერატირაზე რაც ბატონო ნოდარის თაროებზეა. არც ერთი არ ჩაწვდით იმ სევდას რაც მოს გულშია მყისვე დაიწყეთ მისი ცხოვრების ქექვა... დაიკავეთ მისი მეუღლის ადგილი და თქვნთავზე მიიღეთ შეურაწყობა და თავად მიაყენეთ უარესი სამი შვილის დედას. უცოდველებო ამა ქვეყნისანო მიდით ისროლეთ პირ ელი ქვა სიფთა ხელენით. რა ლოგიკის მიმდევრები ხართ.ლ, რა მორალით ნსჯით? ჰოდა მე მოგმართავთ თქვენ თქვე საცოდაო უსაქმურებო, თვითონ დამცირებულო და უვარგის
05:41 / 09-03-2013
ნიკა
0
ეე რამდენი უსაქმური ხართ:))
ამ კატეგორიის სხვა სიახლეები
20:05 / 17-10-2017  Image მტკვრის მოულოდნელად ადიდების გამო მამაკაცი წყალში მანქანით აღმოჩნდა
მამაკაცი უსაფრთხო ადგილზე გამოსვლას ვეღარ ახერხებდა და დახმარებას საჭიროებდა
15:06 / 17-10-2017  Image "რუსთავი 2"-ის და "იმედის" თანამშრომლების "ფეისბუქ-ომი" "ნიჭიერის" რეიტინგის გამო
"რეკორდულად ცოტა დროში, რეკორდულად მაღალ რეიტინგიანი ნიჭიერი დაიდო"
15:05 / 17-10-2017  Image ზემო ლარსზე დააკავეს ქალი, რომელიც დაქორწინების შემდეგ ქმრებს სირიაში გზავნიდა - ФСБ
"პროფესიონალმა ქვრივმა" გადაწყვიტა ჯიჰადი საკუთარი ცხოვრების მიზნად ექცია"
11:50 / 17-10-2017  Image სილქნეტის სპეციალური შეთავაზება ახალი აბონენტებისთვის!
ახალი მომხმარებლები ორი თვის განმავლობაში უფასო სერვისებით ისარგებლებენ
16:47 / 17-10-2017  Image "სპარში" შეძენილ შოკოლადში მატლები აღმოჩნდა - Momxmarebeli.ge
საუბარია, ვაჟა-ფშაველას გამზირზე მდებარე ფილიალში შეძენილ პროდუქციაზე
პოპულარული კომენტარები
მე მაინტერესებს, რატომ იყო ქ-ნი ლიკა მარტო? რატომ დატოვა თუ მიატოვა ერთადერთმა შვილმა დედა, რომელმაც ზღვა სიყვარული დაიმსახურა ხალხში.. დედა, რომელიც იყო დეპრესიისკენ მიდრეკილი, რომელსაც სჭირდებოდა ყველაზე მეტად ის, რომ თავისი შვილი და შვილიშვილი ყოფილიყო მის გვერდით.. არ დამიწყოთ არავინ, რომ ყველას თავისი ცხოვრება აქვს და ა.შ. ყველა შვილი ვალდებულია, რომ განსაკუთრებით სიბერეში იყოს თავისი მშობლის გვერდით, მოუაროს და იზრუნოს მათზე.. სკაიპით მზრუნველობა არ მესმის მე.. პირველ რიგში შვილია დამნაშავე, რომ ეს ღვთაებრივი სილამაზე იმქვეყნად წავიდა.. შვილმა ვერ დააფასა და სხვას რა უნდა მოვსთხოვოთ..
ძალიან ვწუხვარ, მაგრამ რამდენი ,,სხვისი შვილი" მოუკლავთ თქვენი შვილისნაირ მთვრალ და დაუმორჩილებელ მძღოლებს, შეიძლება ზუსტად მაგ ფაქტით კიდევ ერთი უდანაშაულო სიცოცხლე გადაარჩინეს პატრულებმა. ეგ პოლიციელები ბევრად მსხვერპლნი არიან მოცემულ მომენტში. ბევრი ფაქტი მოხდა და თამამად ვამბობ, თქვენს შვილს რომ ვინმე გაეტანა, ის ციხეში არ ჩაჯდებოდა! ყინვაში, ქარში, გრტიგალში გარეთ მომუშავე ყველა პოლიციელი არის გმირი? მათი ხელფასი იცით? იცით რომ მათაც ჰყავთ შვილები, რომლებიც მთვრალი მძღოლების პოტენციური მსხვერპლნი არიან, ისევე როგორც ჩემი შვილიც... გონიერად მივუდგეთ ყველა საკუთარი შვილების აღზრდას...
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49