საპარლამენტო უმცირესობის წევრი მარიამ საჯაია "ფეისბუქის" პირად გვერდზე "ნაციონალური მოძრაობის" მერობის კანდიდატ ნიკა მელიასთან გადაღებულ თბილ "სელფს" აქვეყნებს. ფოტო პირველი არხის სტუდიაში, მერობის კანდიდატების პრეზენტაციაზეა გადაღებული.
"დღის "სელფი". მე და მისტერ ფოქსი (Selfie of the day. Me and Mr Fox)", - წერს საჯაია ფოტოს აღწერაში.
ფოტოს კომენტარებშიც მეგობრები და მხარდამჭერები ნიკა მელიას მოფერებით "მისტერ ფოქსს" (Fox - ინგ. მელია) ეძახიან. "სელფმა" ზოგიერთ მათგანს ცნობილი ჰიტი "What Does The Fox Say?" გაახსენა.