მმართველმა გუნდმა თბილისის მერის არჩევნების შედეგები ნაადრევად იზეიმა. ვიდრე ცესკოს ოფიციალური მონაცემების გაცხადების შემდეგ ცნობილი გახდებოდა, რომ არჩევნები მეორე ტურს საჭიროებდა, "ქართულ ოცნებაში" ეგზიტპოლის შედეგები საზეიმოდ აღნიშნეს, სადაც პრემიერ-მინისტრი ირაკლი ღარიბაშვილი, მთავრობის წევრებთან და საპარლამენტო უმრავლესობის წარმომადგენლებთან ერთად იმყოფებოდა (იხილეთ ვიდეო).
არჩევნების შედეგებით გახალისებულმა "ნაციონალური მოძრაობის" ერთ-ერთმა ლიდერმა, გოგა ხაჩიძემ შანსი არ გაუშვა, რომ მწარე რეპლიკის გარეშე გაეზიარებინა Facebook-ის აუდიტორიისთვის ფოტო, რომელშიც ირაკლი ღარიბაშვილი შამპანურს ასხავს. "ასე დააწუწეს ოქმებზე...", - წერს ხაჩიძე.