ამ წუთებში ოკუპირებული ცხინვალის ცენტრში ყოფილი დეფაქტო პრეზიდენტი ედუარდ კოკოითი 300-კაციან მიტინგს მართავს. სააგენტო "რეს"-ის ინფორმაციით, კოკოითი ე.წ. ცენტრალური საარჩევნო კომისიისა და ე.წ. უმაღლესი სასამართლოს გადაწყვეტილებას აპროტესტებს, რომლითაც მას დეფაქტო საპრეზიდენტო არჩევნებში მონაწილეობისთვის რეგისტრაციაზე უარი ეთქვა.
ცნობილია, რომ ე.წ. სამხრეთ ოსეთის კანონმდებლობით, უმაღლესი სასამართლოს გადაწყვეტილება ვერ შეიცვლება, რადგან საბოლოოა. კოკოითი და მისი გუნდი ამ გადაწყვეტილების შეცვლას ითხოვს.