გორის მუნიციპალიტეტის სოფელ წითელუბნის განაპირას, ე.წ. მესაზღვრეებმა საქართველოს ორი მოქალაქე დააკავეს. სოფელ წითელუბნის მცხოვრებლები ვასილ ბოლოთაევი და თენგიზ კაჯიროვი საქონელს მწყემსავდნენ, რა დროსაც ე.წ. მესაზღვრეებმა ბოლოთაევი და კაჯიროვი დააკავეს.
არსებული ინფორმაციით, ე.წ. მესაზღვრეებმა დაკავებულები ოსური მხარის კონტროლირებად ტერიტორიაზე მდებარე სოფელ წინაგარის მიმართულებით წაიყვანეს. თუმცა გორის მუნიციპალიტეტის გამგებლის წარმომადგენლის როინ ადიკაშვილის განცხადებით, ოჯახს ჯერჯერობით არავინ დაკავშირებია და შესაბამისად, დაკავებულების ზუსტი ადგილსამყოფელი დაუდგენელია.