აზერბაიჯანს საქართველოს მაგისტრალური გაზსადენის შეძენა სურს

აზერბაიჯანის ნავთობის სახელმწიფო კორპორაცია თბილისთან რუსეთ-სომხეთის გაზსადენის საქართველოს ნაწილის პრივატიზირებასთან დაკავშირებით, მოლაპარაკებებს აწარმოებს.

ამის შესახებ სააგენტო "აპა"-ს კორპორაციის პრეზიდენტმა როვნაგ აბდულაევმა განუცხადა. მისი თქმით, საქართველოს ხელისუფლების პარალელურად, მოლაპარაკებები ამ ქვეყნის ნავთობისა და გაზის კორპორაციასთან მიმდინარეობს.

"აზერბაიჯანულ მხარეს ამ გაზსადენის გამოყენება შავი ზღვის სანაპიროსთან გაზის ექსპორტირებისთვის სურს", - აღნიშნა აბდულაევმა.

მისივე თქმით, საქართველოს ხელისუფლებამ გაზსადენი უკვე ამოიღო სტრატეგიული ობიექტების სიიდან.

"ეს გაზსადენი აღარ მიიჩნევა საქართველოს სტრატეგიულ ობიექტად და მის გასაყიდად მოსამზადებელი სამუშაოები მიმდინარეობს", - აღნიშნა აბდულაევმა.

"ინტერპრესნიუსი"