იტალიამ საფრანგეთს ღვინის წარმოებაში პირველობა ჩამოართვა. ამის შესახებ ევროკომისიის და იტალიის სოფლის მეურნეობის ორგანიზაციის- Coldiretti-ს მონაცემები მოწმობს. საფრანგეთმა იტალიას ეს წოდება 2007 წელს წაართვა.
2010 წელს იტალიამ 4.96 მლრდ ლიტრი ღვინო აწარმოა, ხოლო საფრანგეთმა - 4.62 მლრდ. ლიტრი. საფრანგეთში ღვინის წარმოება შემცირდა, მაშინ როდესაც იტალიამ მოახერხა შარშანდელი მაჩვენებელი შეენარჩუნებინა.
ევროპაში ღვინის წარმოების ლიდერების სამეულში შედიან: იტალია, საფრანგეთი და ესპანეთი.
აშშ, გერმანია და დიდი ბრიტანეთი კი იტალიური ღვინის ყველაზე მსხვილი იმპორტიორებია.
მომზადებულია telegraph.co.uk-ის მიხედვით.