"ვინც ეგ "შუტკა" მოგიწონა ან შენი მტერია ან გიჟია!" - შალვა რამიშვილს მეუღლე აკრიტიკებს

გუშინ "ტელეიმედის" ეთერში პირველად გავიდა შალვა რამიშვილის სკანდალურად დაანონსებული ახალი გადაცემა, სადაც წამყვანმა შოუში ვითომ "რუსთავი 2"-იდან გაგზავნილი წერილი წაიკითხა. წერილში აღნიშნული იყო, რომ კონკურენტ ტელევიზიაში, მოხარულნი არიან ტელეთერში შალვა რამიშვილის დაბრუნებით და მას დიდ რეიტინგს უსურვებენ.

ამის პასუხად შალვა რამიშვილმა "ფეისბუქში" "რუსთავი 2"-ის წამყვან გიორგი გაბუნიას სახელზე შექმნილი გვერდი "გიორგი გაბუნია ყ** ხარ" გამოამზეურა და ირონიული სიტყვებით საჯაროდ მოიწონა.

რამიშვილის გადაცემას "ფესბუქის" საკუთარ გვერდზე "რუსთავი 2"-ის გენერალური დირექტორი ნიკა გვარამია გამოეხმაურა.

"ყოჩაღ ტვ "იმედი". მითხრეს, რაც იყო ჩემს ჟურნალისტზე და გადავახვიე. ისე მაგას რა მაყურებინებდა, უნიჭო ვადაგასული სირების ჯღანაობას", - დაწერა გვარამიამ.

უკბილო ხუმრობა შალვას მეუღლემ, ხატია ეკიზაშვილმაც დაუწუნა:

"გუშინ გითხარი და დღეს კიდევ უფრო მეტად იგივე აზრზე ვარ: გიორგი გაბუნიაზე შენი "ხუმრობა" იყო არა ეთიკური, არა კოლეგიალური და სრულიად უხამსი. და ვინც ეგ "შუტკა" მოგიწონა ან შენი მტერია ან გიჟია!", - დაწერა სოციალურ ქსელში ეკიზაშვილმა.

იხილეთ ასევე: შალვა რამიშვილის უხამსი ხუმრობის შემდეგ ინგა გრიგოლია კოლეგებს მადლობას უხდის