როგორ ეხმაურება ირაკლი ალასანიას მეუღლე მინისტრის მოხსნის შესახებ გავრცელებულ ხმებს

გაიზიარებს თუ არა ირაკლი ალასანია სოფლის მეურნეობის ყოფილი მინისტრის, დავით კირვალიძის ბედს? - ეს მოლოდინი თავდაცვის სამინისტროში თანამდებობის 5 პირის დაკავების შემდეგ გაჩნდა. მათ 4 მილიონზე მეტი თანხის გაფლანგვას ედავებიან. უკვე გამოჩნდნენ არასამთავრობოები, რომლებმაც ალასანიას გადადგომა მოითხოვეს.

თავდაცვის სამინისტროში განვითარებულ მოვლენებს "ფეისბუქის" პირად გვერდზე ირაკლი ალასანიას მეუღლე, ნათია ფანჯიკიძე ასე გამოეხმაურა:

"რა მაგის პასუხია და კირვალიძეს რომ დაერივნენ შარშან და მერე დასაჭერი რომ არ აღმოჩნდა და ბოდიშიც რომ არ მოუხადეს, რა სეზონი და თვე იყო ხომ არ გახსოვთ ვინმეს?

გამწვავების კოსმიურ პერიოდებს ვიკვლევ", - წერს ნათია ფანჯიკიძე.

ასევე დაგაინტერესებთ| გაიზიარებს თუ არა ირაკლი ალასანია დავით კირვალიძის ბედს?