"ერთიანი ნაციონალური მოძრაობის" ერთ-ერთი ლიდერი ზურაბ ჭიაბერაშვილი "ფეისბუქზე" გამოქვეყნებულ პოსტში "ქოცის" არითმეტიკაზე და "კეთილისა და ბოროტის სურათ-ხატოვან სიმბოლოებზე" საუბრობს:
"ქოცმა სულ ორად ორი რიცხვი იცის:
9 - "პირსისხლისნი რეჟიმის" მმართველობის პერიოდის წლების რაოდენობა, და
19 - ნაცების მიერ მოპარული მილიარდების გამომსახველი რიცხვი.
ამათგან 9 მუდმივაა, 19 კი შეიძლება იცვლებოდეს ფბ-ზე გაწიწმატების, სუფრაზე მირთმეული სასმელის და ა.შ. მიხედვით.
41 და 5 ქოცისთვის არა არითმეტიკული, არამედ კეთილისა და ბოროტის სურათ-ხატოვანი სიმბოლოებია.
და კიდევ: არის ერთი საკრალური ციფრი, რომელზე შეხებაც არ შეიძლება. ეს არის 7 - მილიარდ დოლარებში გამოსახული ერთი ბრძენი კაცის ქონება", - წერს ჭიაბერაშვილი.