"ძალიანაც კარგი, აწი გეცოდინება" - რისთვის დააჯარიმა პატრულმა ნინო გიორგობიანის ქმარი

შინაგან საქმეთა სამინისტროს საზოგადოებასთან ურთიერთობის სამსახურის უფროსის, ნინო გიორგობიანის მეუღლე "ბოლნისის სიონის" მწვრთნელი და ყოფილი ფეხბურთელი ლადო ბურდული პატრულმა დააჯარიმა. ჯარიმის ქვითარს ნინო გიორგობიანი "ფეისბუქის" პირად გვერდზე აქვეყნებს.

"დაჯარიმდა რუსთაველზე რომ გადაირბინა, ძალიანაც კარგი:) აწი გეცოდინება რომ მიწისქვეშა გადასასვლელებით უნდა ისარგებლოო", - წერს გიორგობიანი.