დღეს საქართველო დამოუკიდებლობის დღეს აღნიშნავს. ფსიქოლოგი ნათია ფანჯიკიძე 26 მაისის დღესასწაულს "ფეისბუქით" ეხმაურება:
"გილოცავთ დამოუკიდებლობის დღეს
ღარიბი თუ მდიდარი, სულელი თუ ჭკვიანი, კარებმოყანყალებული თუ ფანჯრებჩალეწილი, ასეთი თუ ისეთი მეზობლებით, მტრებით და სამეგობროთი გარშემორტყმული, ჩვენ გვაქვს ჩვენი პატარა ბინა.
გვაქვს ჩვენი პასპორტი, სახელი, ეზო, ქუჩა, ენა. მოკლედ ჩვენც გვაქვს ცისქვეშეთში საკუთარი ადგილი.
მადლობა ყველას, ვინც როდესმე ამისთვის იბრძოლა", - წერს ნათია.