დღის ფოტო: არასრულწლოვანი მუშები დაბინძურებულ მდინარეში გამოსადეგ ნივთებს ეძებენ

მანილა, ფილიპინები: არასრულწლოვანი მუშები, დაბინძურებულ მდინარეში გადამუშავებად ნივთებს ეძებენ. სურათი "როიტერსის" ფოტოგრაფმა, რომეო რანოკომ ჩრდილოეთ მანილაში გადაიღო.

შეგახსენებთ, რომ დღეს ფილიპინების ცენტრალურ რეგიონში სამგზავრო ბორანის კატასტროფის შედეგად სულ მცირე 36 ადამიანი დაიღუპა, 19 კი დაკარგულია. ამის შესახებ "ფოქსნიუსის" ცნობით, ფილიპინების სანაპირო დაცვა იტყობინება.

შემთხვევა კუნძულ ლეიტეზე მოხდა. ბორანზე სულ 200-მდე ადამიანი იმყოფებოდა, მათგან 118 ადამიანის გადარჩენა მაშველებმა უკვე შეძლეს. შემთხვევის ადგილას სამძებრო-სამაშველო სამუშაოები მიმდინარეობს. კატასტროფის მიზეზები ჯერ უცნობია.