ფოტოგრაფი გოგა ჩანადირი "ფეისბუქის" პირად გვერდზე ბათუმის პლაჟზე გადაღებულ ფოტოებს აქვეყნებს.
"ავდრის მიუხედავად, ბათუმის სანაპიროზე ქალაქის დასუფთავების სამსახურის წარმომადგენლები გულიანად მუშაობენ.
უკვე თითომ 5-5 ტომარა ნაგავი წამოვკრიფეთო.
ვერ წარმოიდგენთ, ეს რა დიდი მოცულობის ნაგავია", - წერს ჩანადირი ფოტოების აღწერაში.
შეგახსენებთ, რომ ბათუმში, ღამის განმავლობაში, სახანძრო-სამაშველო სამსახური 300-ჯერ გამოიძახეს. ძლიერი წვიმის გამო, ბათუმში რამდენიმე ქუჩა დაიტბორა.
სამაშველო სამსახური მთელი ღამე მუშაობდა, გამოძახებები შეეხებოდა სახლების დატბორვას და დატბორილ ქუჩებიდან ავტომობილების გამოყვანას.