ამათი ნახვა მინდოდა ახლა ზიარებიდან გამოსულს? - გოჩა თანდარაშვილის 10 წუთიანი ისტორიები

იუმორისტი გოჩა თანდარაშვილი 10 წუთის განმავლობაში, თავს გადამხდარ ისტორიას ყვება:

"რომ იგონებენ ხოლმე, 2 ისეთ ამბავს წავაწყდი 10 წუთში:

#1

მარკეტის სალაროსთან ჩემს უკან საშუალო ასაკის ცოლ-ქმარი იდგა, ჩემს წინ 2 ინდოელი (ან პაკისტანელი, ან შრი-ლანკელი), რომლებიც მართლა საკმაოდ ხმადაბლა ხალისობდნენ და იცინოდნენ. უკანა ცოლი ქმარს:

- ნახე რა, თან ხმამაღლა რომ ლაპარაკობენ და იცინიან. მართლა როგორი გამაღიზიანებლები არიან. ამათი ნახვა მინდოდა ახლა ზიარებიდან გამოსულს?

#2

გამოვედი და ტაქსში ჩავჯექი. ჩემი ასაკის ბიჭია, კონტაქტური, გაქნილი ტიპები რომ არიან, ისეთი:

- რა ეშველება ახლა რუსთავი 2-ს?

- რა ვიცი აბა, ვნახოთ. იქნება რამე

- ამათი დედა... ისე იზამენ, ის მიშა მოენატრება ხალხს. იჭერდა, იჭერდაო... დასაჭერი ვიყავი და დამიჭირა. მთელი ცხოვრება ვიპარავდი და ვიღაცას ხომ უნდა დავეჭირე?!

###

დანარჩენზე თქვენ იმსჯელეთ, ვისვენებ მე დღეს" - წერს თანდარაშვილი.