"თუ რამის დაყაჩაღებას დააპირებთ, ვოკალზე იარეთ" - "ჩემი ცოლის დაქალების" სცენარისტი "ვოისის" მსჯავრდებულ კონკურსანტზე

"ვოისის" კონკურსანტი პატიმარი თეონა ყოლბაია სასჯელაღსრულების მინისტრმა, კახა კახიშვილმა პირდაპირ ეთერში პატიმრობიდან გაათავისუფლა.

ამ ფაქტს "ფეისბუქის" გვერდზე ეხმაურება "ჩემი ცოლის დაქალების" სცენარისტი ქეთი დევდარიანი: "თუ რამის დაყაჩაღებას დააპირებთ, პარალელურად ვოკალზეც იარეთ. დახუჭული თვალებით პატრიარქის დაწერილი საგალობლების მღერა, მანანა-არჩილი, ეკა ლენგვიჯფაკერი და ასოვანი ტოლერანტობა - გზა თავისუფლებისკენ", - წერს ქეთი.

აღსანიშნავია, რომ წარსულში თაღლითობისთვის ნასამართლევი, 1989 წელს დაბადებული თეონა ყოლბაია 2012 წლის 5 მაისს გლდანი-ნაძალადევის პოლიციის სამმართველოს თანამშრომლებმა დააკავეს. ის და თეიმურაზ ბააცაშვილი სათამაშო იარაღით შეიარაღებულები აყაჩაღებდნენ კერძო ტაქსის მფლობელებს.

იხილეთ ვიდეო