რატომ ეუბნებიან ტელევიზიები უარს ია ფარულავას

მსახიობი ია ფარულავა "ფეისბუქის" პირად გვერდზე იმ ადამიანებს პასუხობს, ვისაც აინტერესებს, თუ რატომ არ აკეთებს საკუთარ გადაცემას რომელიმე ტელევიზიაში.

"ბევრს აინტერესებს, რატომ არ ვაკეთებ რაიმე მაგარ გადაცემას, რატომ ვზარმაცობ, რატომ ვარ მხოლოდ ჟიურის და რეიტინგული სტუმრის ამპლუაში მუდამ და ა.შ. ჩემი პასუხია: დავწერე უმაგრესი პროექტი 100% რეიტინგული იქნება, მაგრამ ერთი ტელევიზია მეუბნება, მე ამას ვერ გავქაჩავ, არ მეყოფა ამის რესურსი, მეორეს ეშინია და ამბობს, ჩემი ფორმატი არაა (უცენზუროა და რა ვქნა ახლა მე)", - წერს ია ფარულავა.

იას პოსტს მეგობრები ეხმაურებიან და სთავაზობენ იდეას, საკუთარი ტელევიზია გააკეთოს.