13:52 / 23-01-2016
"მე დღეს მიშა მესხი ვარ!!!" - რას წერენ "ფეისბუქზე" ცნობილი სახეები მსახიობზე გავრცელებული ვიდეოს შესახებ
უკრაინულ საიტებზე გავრცელებულ ვიდეომასალას, რომელზეც ასახულია, ნარკოტიკული ზემოქმედების ქვეშ მყოფი მსახიობი მიშა მესხი და მისი მეგობარი, ქართველი ცნობილი სახეების მწვავე გამოხმაურება მოჰყვა. აი, რას წერენ ცნობილები "ფეისბუქის" პირად გვერდებზე:

ნანუკა ჟორჟოლიანი
"ადამიანი, რომელიც მოიხმარს ნარკოტიკს, არის ავადმყოფი და არა კრიმინალი. ავადმყოფებს კი, როგორც ვიცი არ ლანძღავენ. მკურნალობენ მათ. ვერ ვიგებ რა უფრო ცუდია: ის, რაც დაემართათ, თუ საზოგადოების ისტერიული რეაქცია"

ნიკა გვარამია
"მიშა მესხის ვიდეოს გადაღების და გავრცელების ფაქტი არის სამარცხვინო. ამ ვიდეოში მოღადავე ექიმები და პოლიციელები - ათჯერ უფრო სამარცხვინო.
მიშა მესხი შეიძლება არცხვენს თავის ერს (მე არ ვგრძნობ თავს შერცხვენილად, მაგრამ დავუშვათ), მაგრამ ამ ვიდეოს გადამღები, ამ ფორმით (სახეების დაბლარვის გარეშე), გამსაჯაროებელი და განსაკუთრებით დაკავებულზე/ავადმყოფზე მოღადავე პოლიცია და სამედიცინო პ
ერსონალი (ზუსტად ეგენი არიან ერის სახე და არა ნარკომანი) პირდაპირ მეტყველებენ საკუთარი საზოგადოების ჩამორჩენილობაზე".

ია ფარულავა
"ეს რა "ჟივუჩი " ვინმეა....... მიშა მესხი - ბევრს ასეთი ბედი არა აქა აქვს. ერთხელაც იქნება და წაიღებს წერილს თუ აზრზე არ მოვიდა... ნამდვილად ნიჭიერია და ნამდვილი კოლორიტია, მაგრამ მასაც მალე დავკარგავთ თუ თავს არ უშველა"...

ნიკა ქავთარაძე
"ეკონომიკა თავზე დაგვენგრა, ლარი კვდება და ყველა მაინც იმაზე ვქოთქოთებთ, მიშა მესხს რომ ნარკოტიკები უყვარს. სომხებმა "ყვავილების ქვეყანა" რომ მიითვისეს - ეს გადავიტანეთ იმედია".

თამარ ჩერგოლეიშვილი
1. ნარკომანია, ლოთობა ავადმყოფობა არ არის - ცხოვრებისეული არჩევანია, რომელიც შესაძლოა ცუდი შედეგით (ავადმყოფობით და სიკვდილით) დასრულდეს. ავადმყოფობა არის ლეიკემია, კიბო, შიდსი ეტს.
2. ქმედუნარიან ადამიანებს უნდა ჰქონდეთ უფლება, თავის თავს ის დაუშავონ, რისი ხოშიც აქვთ - თუ სხვას არ აყენებენ ზიანს.
3. პოლიცია, საჯარო სივრცეში მუშაობისას, რას გადაიღებს და გაუშვებს მისი გადასაწყვეტია, თუ საქმე არასრულწლოვანს არ ეხება.
4. დაწყნარდით. ტელევიზორში თუ არ ნახეთ, ისე არ იცით, რომ ნარკოტიკების მომხმარებლები არსებობენ? ბოუის რომ ტიროდით ნახევარი ფეისბუქი, რა გგონიათ, რამდენი კილო კოკაინი შეუშვა ცხვირში, სანამ მოკვდებოდა?

P.S. მე-5 პუნქტს დავამატებ - იმის მტკიცება, რომ მიშა მესხმა "საქართველო შეარცხვინა" არის სრული იდიოტიზმი. ვიღაცის ინდივიდუალური არჩევანი (თუ ხალხის მიერ არჩეული თანამდებობის პირი არ არის), არ შეიძლება მე, ან რომელიმე ჩემს თანამოქალაქეს არცხვენდეს.

ბიძინას გამო შეიძლება შეგვრცხვეს - ჩვენ ავირჩიეთ და ვთხოვეთ ქვეყანა ემართა, აი მიშა მესხი რას იზამს - დაიკიდეთ.

ირაკლი ღლონტი ("რეფორმატორების" ლიდერი)
"მიშა მესხის ვიდეოს გავრცელება არ მიმაჩნია სწორ საქციელად! მიუხედავად იმისა, რომ ჩემში უკმაყოფილება გამოიწვია მისი ამ მდგომარეობაში ხილვამ, ვფიქრობ, რომ ამ ადამიანს აქვს უფლება თავისი სენის შესახებ არ ვრცელდებოდეს ნიუსები და თრობის ქვეშ გადაღებულ კადრებზე არ ქილიკობდეს საზოგადოება. უფრო მეტი პატივისცემა გვმართებს საკუთარი თანამოქალაქეების მიმართ!"

გიგლა თუმანიშვილი ("რუსთავი 2"-ის ჟურნალისტი)
"რატომ ამოხტით ტრუსიკებიდან მიშა მესხის გამო? ადამიანი არის ავად!!! მე დღეს მიშა მესხი ვარ!!!"
12:38 / 20-04-2017
ნინ
0
პირველად ჩემს ცხოვრებაში ვეთანხმები თამარ ჩერგოლეიშვილს...... ყველაძე ჭკვიანური შეფასებაა.
13:21 / 25-02-2016
daviti
0
მოდი ვთქვათ რა წამალს უდებენ ნარკომანს 90-95% შემთხვევებში, მიშას დროსაც კი რომელსაც ვერ ვიტან ასე იყო. საქართველო პატარა ქვეყანაა, ვის დააჯერებ შენ რომ არ ხარ ნარკომანი, როცა ათეულობით მეგობარი, ძმაკაცი, ნათესავი გყავს. ვიდეოს დადება ერთი მხრივ ცუდია, მაგრამ მეორეს მხრივ დაინახოს ხალხმა და განსაკუთრებით ახალგაზრდობამ თუ რას ჰგავს ადამიანი ნარკოტიკული ზემოქმედების ქვეშ. ღმერთმა უშველოს მესხს და დააძლევინოს ეს საშინელება, მაგრამ ამას დიდი შრომა ჭირდება.
მსგავსი სიახლეები
+VIDEO "ჩვენ მასთან შეთანხმებით და მისი თხოვნით ამ თემაზე არ ვსაუბრობდით"
"ტელეკომპანია იმედი, დეკორატორებიც რომ მიგყავთ, აქამდე რას შვრებოდით?"
"უპირველეს ყოვლისა, უნდა აღვნიშნოთ, რომ ძალიან უხეშად იქნა დარღვეული საქართველოს კანონმდებლობა მინისტრის მიერ"
+PHOTO| წლების განმავლობაში საზოგადოების წინაშე რადიკალურად განსხვავებული იმიჯით ჩნდებოდა
ამ კატეგორიის სხვა სიახლეები
23:19 / 24-11-2017  Image რა მდომარეობაში არიან "მის საქართველოს" კონკურსანტები, რომლებიც ხაძრის დროს სასტუმროში იმყოფებოდნენ - უახლესი ცნობები ბათუმიდან
+VIDEO| "მის საქართველოს" ყველა კონკურსანტი, რომელიც ხანძრის დროს სასტუმრო "ლეო გრანდში" იმყოფებოდა
22:35 / 24-11-2017  Image არის თუ არა გაბრიელ სალოსის ქუჩაზე სპეცოპერაციის დროს დაკავებული პირი სუხო დუდაევი - ადვოკატის კომენტარი
ბერი გაბრიელ სალოსის ქუჩაზე სპეცოპერაციის დროს დაკავებული პირის ადვოკატი იმედა ქარქაშაძე
10:50 / 24-11-2017  Image „მონოლით ჯგუფის“ აქცია - ბინა თვეში 780 ლარიდან და საჩუქარი!
Monolith Residence Ortachala 9 სართულიანი პრემიუმ კლასის კომპლექსია
23:12 / 24-11-2017  Image სოფლები და თბილისის უბნები, სადაც ხვალ დენის მიწოდება შეიზღუდება
გეგმური სარეაბილიტაციო სამუშაოების გამო, "ენერგო-პრო ჯორჯიას" აბონენტების ნაწილს ხვალ ელექტროენერგიის მიწოდება
20:19 / 24-11-2017  Image დაშორდა თუ არა ნიკა ალასანიას ლიკა ევგენიძე და ვის ხვდება ამჟამად ტელეწამყვანი
რამდენიმე კვირის წინ, თბილისში ლიკას ახალ სიყვარულზე ალაპარაკდნენ
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49