11:38 / 20-02-2016
"გონია, რომ გაიზრდება მის სანახავად დაბრუნდები" - განო მელითაური შვილს დაბადების დღეს ულოცავს
დღეს კოტე თოლორდავას და განო მელითაურის შვილის დაბადების დღეა. განომ შვილს დაბადების დღე "ფეისბუქის" პირად გვერდზე მიულოცა და ბედნიერი წარსულიდან რამდენიმე ფრაგმენტიც გაიხსენა.

"2012 წ.20 თებერვალი თენდება. მუცლით ერთ სიმპატიურ ბიჭს ჩაჩავას სამშობიაროში მივარბენინებ, კოტეს ჩემი ხელი მაგრად უჭირავს ... უკვე მეორედ და გაცნობიერებული ტკივილის მოლოდინით ვაპირებ ახალი სიცოცხლე მოვავლინო ცისფერ ბურთში
-განიკო სულ შენთან ვიქნები, რისი გეშინია? -ამას ისე მეუბნება, ვხვდები საკუთარ თავსაც ამხნევებს და პირდაპირ თვალებში ვუყურებთ ერთმანეთს.. , ვუცინი და კისერს ვიღერებ, რომ ცრემლები ვეღარ დაინახოს
- შე სი-დო-ნი ა - თან ხელი თვალებთან მოაქვს, ორ თითს შორის აქცევს ცრემლებჩამდგარ შავ-თეთრ ბურთებს და ზედ დანკოს გულზე მიხუტებს! - მე არაფრის აღარ მეშინია და ცეკვა-ცეკვით, გრძელი დერეფნის ეიფორიაში ვიკარგებით....
მთელი ღამე ერთად, სიმღერ-სიმღერით, თანადგომით და უდიდესი მოლოდინებით ვითვლიდით წუთებს .

-უუხ შენი მამა-ს! - ეუბნებოდა მუცელთან ამოზნექილ არსებას და ბედნიერებისგან ჰაერი არ გვყოფნიდა
7-ს ნახევარზე დაიბადა თარაშ-თომა თოლორდვა და სამუდამოდ შეცვალა გაკოს ცხოვრება უკეთესობისკენ... დღეს 4-ის ხდება, ვაჟკაცია და შენსავით ვეებერთელა გული აქვს!

იცი,
გონია, რომ გაიზრდება მის სანახავად დაბრუნდები, დილაობით ხატებს ელაპარაკება, საყვედურობს რატომ წაიყვანეთო, მერე ფანჯარასთან მიდის - მე კარგი ბიჭი ვიქნები, სულ მიყურებსო მეუბნება...ზუსტად შენსავით მეფერება, რუდუნებით აკონტროლებს - სახლიდან თბილად ჩაცმული გავიდე თუ ცივა, უყვარს ყველა ცოცხხალი არსება გარშემო და თავის დებს გამუდმებით უხსნის რომ ზემოდან იცავ! ორი დღის წინ გადასხმას რომ უყენებდნენ, მამას კაცური ხელი მივეცი და არ ვიტირე,მაგარი ვარო ამაყობდა ,როცა ბრაზდება მამიკო გხედავს ამას როგორ მეუბნებიო და გული უჩუყდება
და მართალია სიცხიანმა, მოწყენით გააცილა სასწრაფოს ექიმები, მაინც ბედნიერია, რადგან 3 წელი ერთად გაატარეთ! ჩქარა დაიძინა,ზუსტად იცის - ჩაძინებულს აუცილებლად მიაკითხავ სასიზმრეთში.

დიდი მადლობა, რომ გამიყავი ამხელა სიყვარული და მას თარში დავარქვით! მის დაბადებას გილოცავ დანკო და გპირდები შენნაირი -ერთგული და მართალი გაიზრდება ! ჩვენ, მე და თარაშ-თომა ამას გპირდებით სანუკვარო!" - წერს განო მელითაური.
10:43 / 23-02-2016
nino
0
გილოცავთ თარაშის დაბადების დღეს,ღმერთმა გაგაძლიეროთ. მესმის თქვენი გულისტკივილი, 10 წელია მძიმე ჭაპანს ვეწევი. შვილები დღესაც ისე ესაუბრებიან მამას როგორც 10 წლის წინ....
15:10 / 21-02-2016
mari
0
ვტირი და ისე ვწერ.....საქართველოს უმრავლოს ღმერთმა თქვენნაირი დედბი და მეუღლეები....გილოცავთ ვაჟკაცის დაბადების დღეს....მას მამიკო აუცილებლად დაიცავს და დაიფარაცს,,,,გვიყვარხართ.....
ამ კატეგორიის სხვა სიახლეები
19:36 / 23-09-2017  Image ბოლო ინფორმაცია დაბა წაღვერიდან - არსებობს თუ არა ხანძრის გავრცელების საფრთხე
"სიტუაციას ამ ეტაპზე ვაკონტროლებთ"
16:26 / 23-09-2017  Image მოქალაქეების საოცარი ჟესტი: ათასობით ამსტერდამელი მომაკვდავი მერის სახლთან შეიკრიბა მისთვის პატივის მისაგებად
+VIDEO ტაშისა და აპლოდისმენტების შემდეგ, შეკრებილებმა სიმღერა "Aan de Amsterdamse grachten" შეასრულეს
11:10 / 23-09-2017  Image "შეერთებულ შტატებს "ომი" აქვს რუსეთთან..." - მორგან ფრიმანის ვიდეომიმართვამ რუსები განარისხა
"ემოციური გადატვირთვის მსხვერპლი" - მორგან ფრიმანი რუსული საზოგადოების კრიტიკის ქარცეცხლში
22:48 / 22-09-2017  Image ლვოვის სასამართლომ მიხეილ სააკაშვილთან დაკავშირებით გადაწყვეტილება გამოაცხადა
+VIDEO მოსამართლის გადაწყვეტილებით მიხეილ სააკაშვილი ცნობილია დამნაშავედ
15:44 / 23-09-2017  Image საოცარი სახლი, სადაც ტიციან ტაბიძის და ნინო მაყაშვილის სიყვარული ცხოვრობდა...
მისაღებში ახლაც დგას ის ძველი მრგვალი მაგიდა, რომელზეც ზამთარ-ზაფხულ წითელმიხაკებიანი ლარნაკი იდგა...
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49