ტელეწამყვანი ნანუკა ჟორჟოლიანი რამდენიმე დღის წინ თბილისში მომხდარ მკვლელობას ეხმაურება და წერს, რომ დანაშაულში ბრალდებული სასამართლომ გირაოს სანაცვლოდ გაათავისუფლა.
"2-3 დღის წინ თბილისში კაცი მოკლეს. ვინაობას არ გავამხელ, იქნებ მის შვილებს არ სურთ. მოკლედ,ეს კაცი დარაჯად მუშაობდა მანქანების სახელოსნოში. იქ ვიღაცას ცემდნენ, ეს გამოესარჩლა და "ბიტებით" შეიარაღებულმა ახალგაზრდებმა ისეთ დღეში ჩააგდეს გადარჩენა ვერ მოხერხდა.
დააკავეს დამნაშავეები და სასამართლომ 8.000 იანი გირაოთი დარბაზიდან გაათავისუფლა.
თეა წულუკიანის მადლი გფარავდეთ მოსამართლეებო!", - წერს ჟორჟოლიანი.
დიღომში, ჩაჩავას ქუჩაზე მამაკაცი 2 მარტს მოკლეს. 68 წლის ზვიად ყამარაული სამსახურში მისვლისას თანამშრომლების და უცნობი პირების ჩხუბს შეესწრო, რა დროსაც მას თავში ბლაგვი საგანი ჩაარტყეს.
ასევე იხილეთ: შსს-მ დიღომში მომხდარი მკვლელობა ცხელ კვალზე გახსნა