17:01 / 12-03-2016
თამარ ჩერგოლეიშვილმა "ფეისბუქზე" პირადი ცხოვრების ამსახველ ვიდეოში ნაჩვენები პიროვნების იდენტიფიცირება მოახდინა
მას შემდეგ, რაც გუშინ "ინტერპრესნიუსმა" Youtube-ზე ატვირთული პირადი ცხოვრების ამსახველი ვიდეოს შესახებ ინფორმაცია გაავრცელა, სოციალურ ქსელში გამოჩდნენ ადამიანები, რომლებიც სააგენტოს იმ პიროვნების იდენტიფიცირებისთვის საყვედურობნენ, ვინც აღნიშნულ ვიდეოში ფიგურირებდა. მათ შორის იყო "ტაბულას" დირექტორი, თამარ ჩერგოლეიშვილი, რომელმაც "ფეისბუქის" პირად გვერდზე IPN-ზე განთავსებული ნიუსისა და ფოტოს "სქრინი" გამოაქვეყნა, რითიც თავადვე გაავრცელა ის ინფორმაცია, რომლის გავრცელებისთვისაც სააგენტოს აკრიტიკებდა. მოგვიანებით "ტაბულას" დირექტორმა აღნიშნული "სქრინი" "ფეისბუქის"  გვერდიდან წაშალა, თუმცა აღიარა, რომ მსხვერპლის ვინაობის იდენტიფიცირებას თავადაც ხელი შეუწყო:

"InterPressNews.ge - უბანძესი კანტორა რომ ხართ, უკვე ხომ გითხარით, უბრალოდ გაგიმეორებთ.

P.S. სკრინიც ახლდა ამ სტატუსს, მაგრამ რამდენიმე კარგმა ადამიანმა შენიშვნა მომცა, რომ არ გამევრცელებინა მსხვერპლის ვინაობა (მე ვფიქრობ, რომ ვინაობა თუ ვინმესთვის გასაგები არ არის, ძალიან მალე გახდება და ამ კანტორის გასაჭყლეტად თვალსაჩნოება უკეთესია, მაგრამ ....), ამიტომ სკრინის გარეშე დავდებ და სიტყვაზე მენდეთ.

უბანძესები ხართ. სიბანძის ფსკერზე ხართ", - დაწერა ჩერგოლეიშვილმა.



როდესაც ტელეწამყვანს კომენტარებში აღნიშნული "სქრინის" გავრცელების გამო, "ინტერპრესნიუსის" ჟურნალისტმა შეცდომაზე მიუთითა, ჩერგოლეიშვილმა კრიტიკის ავტორს შეურაცხყოფით უპასუხა:



გარდა ამისა, "ინტერპრესნიუსის" მიერ ინფორმაციის
განთავსების შემდეგ სოციალურ ქსელებში, საინფორმაციო სააგენტოს დისკრედიტაციის მიზნით, დაინტერესებული ჯგუფები მიზანმიმართულად ავრცელებდნენ ინფორმაციას იმის შესახებ, თითქოს სააგენტომ ვიდეომასალაც გაავრცელა, რაც სიმართლეს არ შეესაბამება. გთავაზობთ ამონარიდს სააგენტოს გუნდის მიერ დღეს გავრცელებული განცხადებიდან:

"ჩასაფრებული და ანგაჟირებული მედიასაშუალებები ცდილობენ წარმოაჩინონ, თითქოს ჩვენ გავავრცელეთ პირადი ცხოვრების ამსახველი ვიდეო – კატეგორიულად ვაცხადებთ, რომ ეს სიცრუე და საზოგადოების შეცდომაში შეყვანის მცდელობაა.

ხაზს ვუსვამთ, რომ "ინტერპრესნიუსმა" ვიდეოს შესახებ შეიტყო სოციალურ ქსელ "ფეისბუქით", სადაც მასალის შესახებ საუბარი იმ დროს უკვე აქტიურად მიმდინარეობდა.

ჩვენ არ გაგვივრცელებია პირადი ცხოვრების ამსახველი ვიდეო, თუმცა საიტზე ინფორმაციის რამდენიმე წუთით განთავსებისას, სამწუხაროდ მივუთითეთ მისი დასახელება. ეს იყო შეცდომა, რასაც ჩვენ ვაღიარებთ და ძალიან განვიცდით. სწორედ ამ შეცდომის გამო მოუხდა საპასუხისმგებლო თანამდებობიდან წასვლა ჩვენს რედაქტორს", - ნათქვამია განცხადებაში.

იხილეთ განცხადების სრული ვერსია: საინფორმაციო სააგენტო "ინტერპრესნიუსის" გუნდის განცხადება
14:30 / 14-03-2016
nv
0
ნეციბი ნერვიულობენ, ევრპას არ გადაუხვიოთო ))
13:10 / 14-03-2016
მაია
0
რატომღაც დარწმუნებული ვარ, რომ ნაცები ავრცელებენ და მომავალშიც გაავრცელებენ მსგავს ვიდეოებს. არჩევნები მოდის და ამას ხელიდან როგორ გაუშვებენ? რა თქმა უნდა, არც იმისი მჯერა, რომ ხელისუფლებამ ყველაფერი გაანადგურა, მაგრამ არამგონია მათ ეს გაევრცელებინათ. ამისი "ოსტატები" ნაცები არიან. ქოცებო ეცადეთ სასწრაფოდ გამოიძიოთ, თორემ არჩევნებში ვერავინ და ვეღარაფერი გიშველით.
მსგავსი სიახლეები
"გაუგებარია, რატომ ანთხევთ ბოღმას საკუთარ თანამემამულეებზე"
"ასეთი დაბალი ლეგიტიმაციის პირობებში აბსოლუტური ძალაუფლება ჯერ არცერთ ხელისუფალს არ ჰქონია"
"პროდუქტი, რომელსაც ქმნიან დახარჯული მილიონების და წლების მიუხედავად 0%-იან ნიშნულს ვერ სცდება"
"თუ მარტო ვერ მოდის, მოიყვანოს ვინც უნდა (თუნდაც, კალაძის რომელიმე მოჭიდავე)"
"ტაბულას" დირექტორი, თამარ ჩერგოლეიშვილი, მეუღლისა და "ნაციონალური მოძრაობის" ერთ-ერთი
ამ კატეგორიის სხვა სიახლეები
19:01 / 19-09-2017  Image გლდანის ერთ-ერთ კორპუსში და-ძმის ცხედრები იპოვნეს
და-ძმის გარდაცვალიების მიზეზი, შესაძლოა, ბუნებრივი აირის გაჟონვა იყოს
17:21 / 19-09-2017  Image "ნაგვიდან ამოვიღეთ ტიპი..." - სტეფანეს "ნიჭიერის" ჟიურიში გამოჩენამ ნიკა გვარამია გააღიზიანა
"ესეც თქვენი სტეფანე, ტვინი რო გამიბურღეთ, ცოდოა, შემოსავალი არა აქვსო"
21:09 / 19-09-2017  Image რომელია სახის ყველაზე მიმზიდველი ნაწილი - რა შედეგი აჩვენა ექსპერიმენტმა
კვლევაში მონაწილეობა მიიღო 20 წლის ზემოთ 32 ქალმა და ამდენივე მამაკაცმა
11:01 / 18-09-2017  Image 10 რამ, რაც KFC-ის შესახებ უნდა იცოდეთ
კენტუკის შემწვარი ქათმის შესახებ თუ გსმენიათ რამე?
14:42 / 19-09-2017  Image "ჭრელაშვილები ვართ და გვინდოდა, ჭრელები ვყოფილიყავით" - ქართველი დედის და ტყუპების სამოსმა ბაღის პირველ დღეს ყველას ყურადღება მიიქცია
"11 წელი არ გვყავდა შვილი და სასწაულით მოევლინა ეს ტყუპი..."
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49