ინტერნეტკონფერენცია
ვერ მოიძებნა
11:03 / 21-03-2016
"ლამის ვიჩქმიტე, ხომ არაფერი მეჩვენება მეთქი..." - ქართველი ბერისა და უცხოელი სტუდენტების "უცნაური ამბავი"
ჟურნალისტი დაჩი გრძელიშვილი ფეისბუქ-მეგობრებს საინტერესო ამბავს უზიარებს, რომელიც მასა და მის უცხოელ სტუმრებს საფარას მონასტერში გადახდათ თავს:

"ასეთი უცნაური ამბავი იყო: გასულ კვირაში, სტუდენტები მყავდა ვაშინგტონის უნივერსიტეტიდან, სტაჟირებაზე. კარგი მუსიკასავით არაჩვეულებრივები იყვნენ, გულწრფელები და ხალასები. ორი ცალი. პროგრამა ისე შევადგინეთ, რომ რაც შეიძლება ბევრი რამ ენახათ საქართველოში, ყველანაირ ხალხთან ელაპარაკათ, თან გადაეღოთ და თან ამ პროცესში ერთმანეთისთვის რამე-რუმეებიც გვესწავლებინა. ჩადი და კალინდა იღბლიანები იყვნენ და ისეთები ვნახეთ, ხშირად მეც კი (ანუ, საქართველოში დაბერებული კაცი) ხან პირდაღებული ვრჩებოდი, ხან თვალებდაჭყეტილი.

ერთი ამბავი ასეთი იყო: საფარაში ვიყავით, ერთი დღე მონასტერში. თან გადმოგვყვნენ ბერები, მძიმე მარხვის მიუხედავად, ყველაფერი მოგვატარეს, ყველაფერი გვაჩვენეს. რომ მივედით, წირვა უკვე დასრულებული იყო, მაგრამ ეგ არაფერიო - ტაძარი გაგვიხსნეს და სამმა ბერმა ჩვენთვის იგალობა. ამ ყველაფრის ბოლოს, სტუდენტებს არც ინტერვიუზე უთხრეს უარი და ერთ-ერთმა მათგანმა ბერული მოთმინებით უპასუხა უამრავ შეკითხვაზე. მაგრამ მთავარი წინ გველოდა. წამოსვლისას, რომ გვემშვიდობებოდნენ, ტაძარში, ერთ-ერთ ხატთან მიგვიყვანეს - ღვთისმშობილის ხატი იყო. ერთ-ერთმა ახალგაზრდა ბერმა ხატის ისტორიის
You must have Flash Player installed in order to see this player.
მოყოლა დაიწყო. საკმაოდ რთული ამბავი იყო, საღვთისმეტყველო ტერმინოლოგიით გაჯერებული. მოვუბოდიშე, ამდენი ინგლისური ნამდვილად არ ვიცი და თქვენის ნებართვით, მოკლედ ვეტყვი მეთქი. არაუშავს, მე ვეტყვიო და დაუწყო ინგლისურად მოყოლა - გამართული თეოლოგიური ინგლისურით - ცოტა დამაკლდა, ამ ამაღლებულ სიტუაციაში ლამის ვიჩქმიტე, ხო არაფერი მეჩვენება მეთქი. რომ დაასრულა, ეტყობა გაოცება სახეზეც მეტყობოდა და "სატელევიზიო ინგლისური ნამდვილად არ ვიცი, თორე ინტერვიუს თარგმანზე არ გაწვალებდიო". ჭიშკრამდე სულ ბოდიშებით გამოგვაცილეს - მარხვის გამო, სათანადოდ ვერ გმასპინძლობთ, გვაპატიეთო.

მე ასეთი ეკლესია მიყვარს.

ჰო, კალინდას თავსაბურავი კი ჰქონდა, მაგრამ ტანზე ისე ეცვა, თბილისის ზოგიერთ ეკლესიაში კარისკენ რომ მიუთითებენ ხოლმე გოგონებს" - წერს დაჩი გრძელიშვილი პოსტში. როგორც კომენტარებში წერენ, ახალგაზრდა ბერი, რომელზეც პოსტში ჟურნალისტი წერს, მამა ელისეა.
10:40 / 28-09-2016
ერთხელ საფარაში ჩვენი ჯგუფიც გვიან მივიდა, დაბინდებული იყო, მაგრამ ბერმა მაინც გაგვიხსნა ტაძარი და მოლოცვის საშუალება მოგვცა.
naira
21:24 / 25-09-2016
ჯერ ისიც ვერ გაიგო ბევრმა, რომ "მამაო" წოდებითის ფორმაა და სახელობითში ასე არ შეიძლება დავაყენოთ( ასევეა "დედაო")...ან მრევლს რატომ უწოდებენ ერთ ადამიანს?მრევლი კრებითი სახელია და ერთი ადამიანი კი - მისი წევრი.
ნანა დეიდა
მსგავსი სიახლეები
+VIDEO| "გიხაროდეს, დედა, რომ ამიერიდან უნდა მომმართო არა "შვილო" და არც "გიო", არამედ მამა იერონიმე"
ჟურნალისტი დაჩი გრძელიშვილი სირიელი მიგრანტების თემას ეხება
"გარდაცვალებისთვის მომამზადა და ის დროც დაგვიდგა, იმაზე გველაპარაკა, სად უნდა დაგვესაფლავებინა"
ის ტაძარში ყოველდღე მზის ამოსვლამდე მიდის
"მინდა, რომ ბავშვები არასოდეს ხდებოდნენ ავად და რომ ყველა ბავშვს კვირაში ერთი ახალი სათამაშო ჰქონდეს"
"გვითხარი, რომ ჩვენი დაცვა არ გჭირდება - არც ჩვენგან აოხრებული სოფლები, არც ჩვენგან მოკლული ბავშვები"
ამ კატეგორიის სხვა სიახლეები
13:11 / 28-09-2016  Image ქართველი პოლიტიკოსების ჩხუბით "ევრონიუსი" დაინტერესდა - 150 000 ნახვა და ასობით ევროპელის კომენტარი
გთავაზობთ საინტერესო კომენტარებს "ევრონიუსის" ფეისბუქის გვერდიდან
12:09 / 28-09-2016  Image რა "რევოლუციას" პირდება მიხეილ სააკაშვილი ქართველ ხალხს არჩევნების შემდეგ - ექს-პრეზიდენტის მიმართვა ოდესიდან
+VIDEO| "ეს რუს ოლიგარქს ვერ უშველის"
12:06 / 27-09-2016  Image როგორ ვეთამაშე ”დამალობანა” ჩემს ყოფილ შეყვარებულს ”ნიკორას” სუპერმარკეტში
როგორ ვეთამაშე ”დამალობანა” ჩემს ყოფილ შეყვარებულს ”ნიკორას” სუპერმარკეტში
15:21 / 28-09-2016  Image ეპილეფსიის მძიმე ფორმით დაავადებული ბავშვი მარიხუანით განიკურნა
დედამ გადაწყვიტა ამერიკაში წაეყვანა შვილი კანაფის ზეთით მკურნალობისთვის
17:31 / 27-09-2016  Image ასრულებს თუ არა ლიზა ყენია ნინი ბადურაშვილის პროტოტიპს ''ჰეროკრატიაში'' - მომღერლის პირველი კომენტარი სერიალში მონაწილეობის შემდეგ
სოციალურ ქსელში ლიზას გამოჩენას მაყურებელი მოწონენით შეხვდა
კვირის ყველაზე კითხვადი
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49