რას წერს ირაკლი ფირცხალავა 9 აპრილის ტრაგედიის შესახებ

რუსეთში მოღვაწე ქართველი მომღერალი ირაკლი ფირცხალავა ფეისბუქზე 9 აპრილის ტრაგედიის წლისთავს ეხმიანება. აი რას წერს 27 წლის წინ თბილისში მომხდარ ტრაგედიაზე მომღერალი:

"ღმერთო, დაგვიფარე ასეთი ტრაგედიებისგან, განსაცდელისაგან და გლოვისგან. მოგვეცი ძალა ვიმოქმედოთ ლოცვის შეწევნით და სიყვარულით" - წერს ფირცხალავა, რომელმაც პოსტთან ერთად პირად გვერდზე 9 აპრილს დაღუპული ახალგაზრდების ფოტოც გამოაქვეყნა

წელს 27 წელი შესრულდა თბილისში 1989 წლის 9 აპრილის მიტინგის სისხლიანი დარბევის შემდეგ. 27 წლის წინ საბჭოთა არმიამ თბილისში, რუსთაველის გამზირზე საქართველოს დამოუკიდებლობის მოთხოვნით გამართული მშვიდობიანი დემონსტრაცია სასტიკად დაარბია. დაიღუპა 21 ადამიანი, ასობით კი დაიჭრა, მოიწამლა და დასახიჩრდა.