თბილისის სახელმწიფო უნივერსიტეტის ყოფილი სტუდენტი, "თანასწორობის ინსტიტუტის" ყოფილი აქტივისტი გიორგი ჩითარიშვილი "ფეისბუქის" პირად გვერდზე პრემიერის უნივერსიტეტში ვიზიტთან დაკავშირებით წერს:
"მახსოვს მიშა რომ მოდიოდა უნივერსიტეტში იკეტებოდა მთელი ვარაზისხევი და მთელი ჭავჭავაძე. გეგეჭკორ-გრიგალაშვილი თითის ქნევით მიყურებდნენ: ჩითარიშვილო, უნივერსიტეტის ეზოში შესვლაც კი არ გაბედო, თორე დაგიჭერთო. მახსოვს, როგორ გვდევნიდნენ სტუდენტებს, რომლებსაც "ჩამოწერილი კითხვები" არ გვქონდა და თვითმმართველობის სიაში არ ვეწერეთ. მახსოვს აუდიტორიაში ჩაკეტილი ნაცემი სტუდენტები, რომლებიც უბრალოდ წიგნების თარგმნას ითხოვდნენ. მახსოვს, 40-მდე ზონდერი და მეორე კორპუსის წინ მიშას მიერ ახალდაგებულ მწვანესაფარიან ბალახზე "გაგორებული მე" ჩემს მეგობრებთან ერთად. მახსოვს სტუდენტების მიჩუმებული უნივერსიტეტი "არსაიდან ხმა არსით ძახილი". მახსოვს მხოლოდ რამდენიმე სტუდენტი, რომლებიც ხმას ვიღებდით. ყველაფერმა ჩაიარა, საჭირო იყო რასაც ვაკეთებდით და მივიღეთ შეცვლილი დღევანდელობა. მეამაყება ჩვენი პრემიერი, გიორგი კვირიკაშვილი ბრავო!!!", - წერს ჩითარიშვილი სოციალურ ქსელში.
შეგახსენებთ, დღეს პრემიერი თსუ-ში სტუდენტებთან შესახვედრად მივიდა. "აუდიტორია 115"-ის წევრები და პრემიერ-მინისტრი დღევანდელ შეხვედრაზე რამდენიმე საკითხზე შეთანხმდნენ. როგორც პრემიერ-მინისტრმა შეხვედრის დასრულების შემდეგ ჟურნალისტებს განუცხადა, ერთ-ერთი შეთანხმების თანახმად, სტუდენტები შექმნიან სამუშაო ჯგუფს და ამ ჯგუფთან პრემიერ-მინისტრი მომავალ კვირას შეხვედრას გამართავს.
წაიკითხეთ:
"ჩემი შვილებისხელები არიან და დაცვით ველაპარაკო?!" - პრემიერი სტუდენტებთან