"25 წლის ბიჭი დაცვის პოლიციის თანამშრომლებმა სასტიკად სცემეს" - შალვა რამიშვილი შემთხვევის ამსახველ კადრებს აქვეყნებს

ჟურნალისტი შალვა რამიშვილი სოციალურ ქსელში ვიდეოს აქვეყნებს, სადაც მისი ინფორმაციით, 25 წლის ახალგაზრდას ცემის ფაქტია გადაღებული. როგორც შალვა რამიშვილი წერს, მისი თანამშრომელი, ილია ელერდაშვილი დაცვის პოლიციის თანამშრომლებმა სცემეს.

იხილეთ შემთხვევის ადგილზე გადაღებული ვიდეოკადრები

"ჩემი თანამშრომელი 25 წლის ილია ელერდაშვილი დღეს რუსთავში სახალხოდ სცემეს! სცემა 20 -მდე დაცვის პოლიციელმა! ბიჭ იცემა უმოწყალოდ, სასტიკად და დაუნდობლად! დღისით-მზისით! ზოგიერთი პოლიციელი იყო ნასვამი! პროკურატურაა საქმეში ჩრეული და ვნახოთ რა მოხდება!", - წერს შალვა რამიშვილი.