საქართველოს პრემიერ-მინისტრი გიორგი კვირიკაშვილი მეუღლესთან მაკა ცინაძესთან ერთად, ყოვლადწმინდა სამების საპატრიარქო ტაძარში, სააღდგომო ლიტურგიას დაესწრო. ლიტურგია ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ აღავლინა.
სააღდგომო ლიტურგიაზე ყოვლადწმინდა სამების საკათედრო ტაძარში აღმასრულებელი და საკანონმდებლო ხელისუფლების წარმომადგენლებიც იმყოფებოდნენ. მათ შორის კახა კალაძე მეუღლესთან, ანუკი არეშიძესთან ერთად, თბილისის მერი დავით ნარმანია მეუღლესთან თიკა თინიკაშვილთან ერთად, პარლამენტის წევრი ეკა ბესელია, უზენაესი სასამართლოს თავმჯდომარე ნინო გვენეტაძე, საპარლამენტო უმცირესობისა და ოპოზიციის წევრები და სხვები.