"სირცხვილია!" - რას წერს რომის პაპის საქართველოში ვიზიტზე გერმანიაში მოღვაწე ქართველი დეკანოზი

გერმანიაში მოღვაწე დეკანოზი თამაზ ლომიძე რომის პაპის საქართველოში ვიზიტთან დაკავშირებით "ფეისბუქის" პირდად გვერდზე პოსტს აქვეყნებს:

"ყველაზე მეტად იმ ქართველების აგრესია და ზიზღი მაოცებს კათოლიკების და მათი მეთაურის ვიზიტის მიმართ, რომელნიც თვითონ კათოლიკური თუ პროტესტანტული ევროპის ქალაქებში ცხოვრობენ, მუშაობენ, სწავლობენ, თავს კარგად გრძნობენ და ჯერ-ჯერობით არც დაბრუნებას აპირებენ კათოლიკური ევროპიდან მართლმადიდებელ საქართველოში. დღეს აქ ყოფნა ჭირდებათ, რჩებიან და არც მართლმადიდებლობას აყვედრის და ავიწროვებს ამისთვის ვინმე.

არ დაფიქრებულხართ იმაზე, რომ ის პური, ყოველდღე რომ ყიდულობთ მაგალითად კათოლიკურ გერმანიაში, შეიძლება კათოლიკე მორწმუნის გამომცხვარია? ან ის ავტომობილები თუ სხვა ტექნიკური სიკეთეები საქართველოში რომ აგზავნით, შეიძლება კათოლიკე ინჟინერის დამზადებულია? ან ის ექიმი, რამე რომ გაგიჭირდებათ და მიაშურებთ ხოლმე, შეიძლება თავისი რწმენით ნამდვილი კათოლიკე იყოს?

ამ ყველაფერს სიამოვნებით იყენებთ კათოლიკურ ევროპაში და კათოლიკე რომის პაპის 2 დღიანი ვიზიტი ვერ აგიტანიათ და მიუღებლად მიგაჩნიათ საკუთარ მართლმადიდებელ ქვეყანაში?

სირცხვილია!!!".