17:00 / 05-12-2016
"თუ ვხედავ, რომ მხოლოდ ჩემი მღვდლობის გამო, პატრული არ მაჯარიმებს, უნდა გამოვაწერინო კუთვნილი ჯარიმა" - დეკანოზი თამაზ ლომიძე
გერმანიაში მოღვაწე დეკანოზი თამაზ ლომიძე სოციალურ ქსელში პოსტს აქვეყნებს იმასთან დაკავშირებით, თუ როგორ უნდა იქცეოდეს მოქალაქე მღვდელი:

"როცა ახალგაზრდა და გამოუცდელი მღვდელი ვიყავი, ერთი ხანშიშესული მართლმადიდებელი კაცი მომესალმა და დააპირა ხელზე მმთხვეოდა. მისი მხცოვანი ასაკის გამო მეუხერხულა და ხელი უნებურად უკან წავიღე. მას გაეღიმა და თბილად მითხრა: ნუ გეშინია, მე შენ კი არ გემთხვევი, ამითი მე ქრისტეს მარჯვენას ვემთხვევი, რადგან მწამს, რომ შენი მღვდლობით მის მადლს ატარებო.

ასეა, პატივი ხშირად ხვდება მღვდელს. მაგრამ, თავის მხრივ მოქალაქე მღვდელი ასე უნდა ფიქრობდეს:

მე თუ ვიცი, რომ ბაზარში მღვდლის
შესამოსლით შესული, ჩემი ჩაცმულობით ვაიძულებ გაჭირვებულ გამყიდველს, ფასი დამიკლოს, არ წავალ საყიდლებზე მღვდლის კაბით.

მე თუ ვვარაუდობ, რომ "პროფილაქტიკის" ხელოსანი მხოლოდ ჩემი წვერის და ჯვრის გამო, იძულებული გახდება საკუთარი მძიმე შრომის საფასური არ გამომართვას, სულაც არ გამოვჩნდები თვითონ და სხვას გავატან მანქანას შესაკეთებლად.

მე თუ ვხედავ, რომ მხოლოდ ჩემი მღვდლობის გამო, პატრული კანონს არღვევს და არ მაჯარიმებს იქ, სადაც სხვა ჩემს თანამოქალაქეს აუცილებლად დააჯარიმებდა, უნდა გამოვაწერინო კუთვნილი ჯარიმა. მძიმე იქნება ჩემთვის და ამით გავირთულებ ცხოვრებას, მაგრამ მეცოდინება, რომ მართალი ვიყავი ღმერთის და ქვეყნის წინაშე.

როცა იუდეველთა გადასახადის-დიდრაქმის აკრეფის დრო მოვიდა, ქრისტესაც, როგორც ოჯახის პირველ შვილს, მიაკითხეს და მორიდებით შეუთვალეს: არ გადაიხდი გადასახადსო? ქრისტემ პეტრეს უთხრა: არ ეკუთვის ძეს ღვთისას ამის გადახდა, მაგრამ რათა არ დავაბრკოლოთ ადამიანები ამქვეყნად, წადი და გადაიხადე ჩემი და შენი სახელითო (მათე, თ. 17).

როცა სახელგანთქმულ სოკრატეს ათენის 500-კაციანმა სასამართლომ ყოვლად უსამართლოდ სიკვდილი მიუსაჯა, მისი გავლენიანი და მდიდარი მეგობრები მზად იყვნენ ციხიდან გაეპარებინათ და გადაერჩინათ იგი. სოკრატემ უარით გაისტუმრა და უთხრა: მე, როგორც მოქალაქეს ხელშეკრულება მაქვს ჩემს ქალაქთან, არასოდეს დამირღვევია კანონი და არც ჩემი სიცოცხლის გადასარჩენად დავარღვევ მასო.

მღვდლებსაც გვაქვს დაურღვეველი, მოქალაქის ხელშეკრულება ჩვენს ქალაქთან და ქვეყანასთან!".
ტეგები:
18:47 / 06-12-2016
JHON
0
ძალიან დიდი მადლობა მამაო ასე რომ აზროვნებთ და მოქმედებთ, ძალიან კარგი იქნებოდა, რომ მსგავსად არა მარტო მღვდელმსახურები იქცეოდნენ, არამედ მთავრობაც და მხედრობაც, უჩინონიც და საჩინონიც. ეგ ყველაფერი კი ძალიან ადრე, ერთმა ბრძენმა კაცმა იცოდა, ჯერ კიდევ ქრისტემდე, სახელად დიოგენემ. რამდენი გვაკლია ჩვენ, ქრისტეს შემდგომ ქრიატიანებს, ქრისტემდე ქრისტიანებამდე.
17:29 / 06-12-2016
მსქროლავი ტროლი
2
რა თქმა უნდა, სიმართლეს ამბობს, მაგრამ თუ კარგად დაუკვირდებით, მაგ სიმართლეს ხიბლის სუნი უდის - ნახეთ, რა კარგად ვიქცევიო - ამას მისი მრევლი უნდა ამბობდეს, თავად კი არა.... ხოლო თუ მის პაპის ვიზიტთან დაკავშირებულ პოსტსაც წაიკითხავთ, გაცილებით უარესი სუნიც შეგაწუხებთ.....
მსგავსი სიახლეები
როცა ღვთის შეუმცდარი სამსჯავროს წინაშე წარსდგება ყველა ადამიანი, განვლილი ცხოვრება აიწონება ქრისტეს მიერ დასმული 6 კითხვით
"უმრავლესობა ვინც აქ სასჯელს იხდის, ტყუილის მსხვერპლია, რადგან ვიღაცის ნაამბობი დაიჯერა"
+VIDEO: "ეკლესია შენობა არაა, ეკლესია მორწმუნე ხალხის კრებულია და მორწმუნეთა კრებულში ბოროტის მოქმედს არაფერი ესაქმება"
"ამ ყველაფერს სიამოვნებით იყენებთ კათოლიკურ ევროპაში და კათოლიკე რომის პაპის 2 დღიანი ვიზიტი ვერ აგიტანიათ"
რადვილიშკისის ფესტივალს საკრებულოს თავჯდომარე დავით ლომიძე და გამგებლის თანაშემწე დაესწრნენ
ამ კატეგორიის სხვა სიახლეები
20:19 / 22-11-2017  Image "სერიოზული ჯგუფი იყო, მაგრამ მძევლები აყვანილი არ ჰყოლიათ" - სუს-ის უფროსი განმარტავს, რატომ გაგრძელდა სპეცოპერაცია თითქმის 20 საათი
"პირველ რიგში მინდა მივუსამძიმრო დაღუპულის ოჯახს, ის იყო სახელმწიფო უსაფრთხოების სამსახურის
22:43 / 22-11-2017  Image გაბრიელ სალოსის ქუჩაზე ჩატარებულ სპეცოპერაციას "ფეისბუქზე" ეხმაურებიან
"არ მოსულა სახალხო ღლიცინი მაშინ, როცა შენს ქალაქში ტერორისტები ისვრიან!"
20:26 / 22-11-2017  Image ავღანეთში საქართველოს შეიარაღებული ძალების სამი სამხედრო მოსამსახურე დაიჭრა
III ქვეითი ბრიგადის 31-ე ქვეითი ბატალიონის სამხედრო მოსამსახურეების მაიორ პაპუნა ხორავას
18:23 / 22-11-2017  Image ეროვნულმა ბანკმა ლარის ახალი კურსი დაადგინა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ
13:37 / 22-11-2017  Image 48 წლის ვიქტორია გვიმხელს, თუ როგორ შეიძლება ყველა ქართველმა ისწავლოს ინგლისური ძალისხმევის გარეშე!
გაიგეთ, თუ როგორ შეგიძლიათ ისწავლოთ ინგლისური სწრაფად და მარტივად
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49