მომღერალი სოფო ნიჟარაძე რუს კოლეგა ანდრეი ალექსანდრინს "ფეისბუქის" პირად გვერდზე დაბადების დღეს თბილი სიტყვებით ულოცავს:
"გირეკავ viber-ზე, ვერ გიკავშირდები. დაბადების დღეს გილოცავ, საყვარელო! მიყვარხარ, ლამაზი, მოხდენილი, კრეატიული... მინდა, რომ მუდამ ასეთად დარჩე! მინდა, რომ ბედნიერი, საყვარელი და ჯანმრთელი იყო... დიდ წარმატებებს გისურვებ... მიყვარხარ! მენატრები!" - წერს სოფო ნიჟარაძე.
შეგახსენებთ, წლების წინ ჭორები ვრცელდებოდა, რომ სოფო ნიჟარაძე ყოფილ პარტნიორ ანდრეი ალექსანდრინზე იყო დაქორწინებული. სწორედ ანდრეისთან ერთად თამაშობდა სოფო "რომეო და ჯულიეტაში", რომელიც წარმატებული მიუზიკლი იყო დიდი თეატრის სცენაზე. შეგახსენებთ, რომ სოფო თბილისში გაიზარდა, შემდეგ კი მოსკოვში წავიდა სასწავლებლად, სადაც რუსეთის თეატრალური ხელოვნების აკადემია დაამთავრა და არაერთ წარმატებულ პროექტში მონაწილეობდა. 2008 წელს კი დედასთან ერთად საქართველოში დაბრუნდა.
როცა მოსკოვში ცხოვრობდა, საქართველოში ვრცელდებოდა ხმები, რომ მასზე ჰოკეისტი პაველ ბურე იყო შეყვარებული, თუმცა მათი დაოჯახება არ შედგა. ინფორმაცია ნიჟარაძის ქორწინების შესახებ რუსულენოვან საიტებსა და ინტერნეტფორუმებზე გადავამოწმეთ. როგორც საიტებზე წერენ, მან და ანდრეი ალექსანდრინმა 2007 წელს იქორწინეს. "რომეო და ჯულიეტა დაქორწინდნენ, "- სტატიებს ამ სათაურით არაერთ რუსულ საიტზე წააწყდებით, რომელიც 2007 წლით არის დათარიღებული. ჟურნალისტები წერენ, რომ ქორწილი "კარმა ბარში" გადაიხადეს, სადაც ახალგაზრდა წყვილმა მეგობრები მიიწვია და მათ ახალი პროექტი just married წარადგინეს. ჟურნალისტი წერს, რომ ეს პროექტი კიდევ ერთი მიზეზი გახდა რომეოს და ჯულიეტას რეალურ ცხოვრებაში დაქორწინებისა, თუმცა ისინი მალევე დაშორდნენ ერთმანეთს და მეგობრებად დარჩნენ. ერთ-ერთი მომხმარებელი ფორუმზე ანდრეი ალექსანდრინის სიტყვებსაც წერს: "მე უკვე რომეო-ვეტერანი ვარ. ამ როლს ვთამაშობ 2004 წლიდან. მე ოთხი პარტნიორი-ჯულიეტა მყავდა. მე და სოფო ნიჟარაძე დავქორწინდით. თუმცა, სამწუხაროდ, ჩვენი სიყვარული არ აღმოჩნდა სამუდამო, როგორც შექსპირის გმირების. გასულ წელს გავიყარეთ, თუმცა დღემდე ვმეგობრობთ".
წაიკითხეთ: რა კომენტარი გააკეთა ანდრეი ალექსანდრინმა "ამბები.გე"-ს ჟურნალისტთან სოფო ნიჟარაძის შესახებ