"დავტოვე ოქროყანაში, სადაც ჩემი დედ–მამის საფლავია... ბევრმა მინდა იტიროს" - ირინა სარიშვილის ემოციური პოსტი

ირინა სარიშვილმა გუშინ "ფეისბუქზე" ტრაგიკული ამბის შესახებ დაწერა. მისი ინფორმაციით, ორი თვის ბიჭი, რომლის შვილად აყვანას აპირებდა, გარდაიცვალა. სარიშვილმა მომხდართან დაკავშირებით დღეს კიდევ ერთი ემოციური პოსტი გამოაქვეყნა.

"ის ჩავაცვი რაც გამოყვანისას უნდა ცმოდა.

დავტოვე ოქროყანაში, სადაც ჩემი დედ–მამის საფლავია მამაჩემის გულზე.

ამას იმიტომ ვწერ რომ ბევრი ატირდეს ჩემთან და ჩემ ოჯახთან და მეგობრებთან ერთად.

ბევრმა მინდა იტიროს.

ამდენი ხანი მარტო იყო. ორი თვე ყავდა დედა და მეტი ვერ დაგვცალდა.

ამიტომ მინდა, რომ დღეს ბევრი ატირდეს და მარტო არ იყოს.

ცოტა დრო გავა. გონზე მოვალ და ყველაფერს ვიტყვი.

არავის ვაპატიებ გიორგის დატანჯულ ცხოვრებას, ასეთ დასასრულს და ჩემი დანარჩენი სამი შვილის იმ ტანჯვას რაც მათ ამ დღეებში გამოიარეს.

გიორგის ვეღარ ვუშველი მაგრამ ეგებ სხვა გადავარჩინო" - წერს სარიშვილი.