15:19 / 20-09-2017
"სიმართლე მითხარი და მკურნალობას მივატოვებ და ჩემით ჩამოვალ უკრაინაში" - გია მაისაშვილი მიხეილ სააკაშვილს
მიხეილ სააკაშვილის ყოფილი ეკონომიკური კონსულტანტი და პრეზიდენტობის ყოფილი კანდიდატი, გია მაისაშვილი საქართველოს ექს-პრეზიდენტს "ფეისბუქის" პირად გვერდზე პოსტს უძღვნის:

"ამ ბოლო მოვლენების ფონზე ჩემს თავს მიშასადმი ქვეცნობიერი მხარდაჭერა შევამჩნიე. მისი სიტყვის არ მჯერა, ავანტურისტია, მაგრამ რაც მან გააკეთა ადვილი არაა, დააფარა ორივე მსუბუქ წონოსანს. მაგრამ როგორც კი კეზერაშვილზე, ახალაიებზე და მის სხვა ავაზაკებზე ჩამოვარდება საუბარი, ის და მისი პარტიელები იმ წუთას თავს იმართლებენ, "რაღა დროს ეგაა, წარსულია, ეგენი რამდენი ხანია ჩვენი გუნდის წევრები არ არიან, და მსგავსი არა გულწრფელობა. დიდმა კაცმა კი პირდაპირ უნდა აღიაროს და თქვას, მართალია, შეგვეშალა, არ ვიყავი მართალი, არ უნდა მოვქცეულიყავი მასე და ახლა აღარ ვიქნებოდი ასე მძიმე მდგომარეობაში. ბოდიშს ვიხდი, მაპატიეთ, ახლა უფრო დიდ ბოროტებას ვებრძვი და თქვენი დახმარება მჭირდება. და ხალხი აპატიებდა, თუ არა სიმპატია მაინც გაუჩნდებოდა. ის მართლა უფრო დიდ ბოროტებას ებრძვის დღეს. მაგრამ პატარა კაცს ალალი ბოდიშის მოხდა არ შეუძლია და ახლანდელი მთავრობისავით დამნაშავედ და მიზეზად ყოველთვის სხვა მოჰყავს, მიზეზს თავისში არასდროს ეძებს, თავად
ყოველთვის იდეალურია და ვერც ერთ გადაცდომას ვერ ხედავს, ვერ აღიარებს. პატარა კაცს შენება არ ძალუძს, არანაირი გრძელვადიანი რეფორმა, გრძელვადიანი მეთოდური შრომა. ამიტომაა რომ ვერ ვიჯერებ მისას, თორემ ამათზე გაცილებით მაგარია. თუ ადამიანი ალალად მოინანიებს, ძნელია არ აპატიო, ხალხი კეთილია, მაგრამ თუ ბოდიშს ახსნას და თავის გამართლებას დაურთავ, ეს ბოდიში აღარაა და უკვე მიჭირს პატიება, ნდობა. ამიტომაა, რომ "ოცნების" აუტანლობის მიუხედავად, ვერ გენდობათ ხალხი ვერც თქვენ. მხოლოდ სრულ გულწრფელობაშია ნდობა. სიმართლე მითხარი და მკურნალობას მივატოვებ და ჩემით ჩამოვალ უკრაინაში და დაგეხმარები, შენ ბოროტებას ებრძვი, მაგრამ მარტო ავანტურა არ ჰყოფნის ბოროტის დამარცხებას. კეთილი უნდა იყო თავად", - წერს მაისაშვილი.
19:09 / 27-09-2017
ანალიზი-ს კითხვა-ს პასუხი
2
უპირველეს ყოვლისა, მადლობას გიხდით ს ა ქ მ ი ს ინტერესებიდან გამომდინარე შეკითხვებისათვის.

მერე, ასეთი შთაბეჭდილება მრჩება, რომ ჩემს კომენტარებში მოყვანილ ფ ა ქ ტ ე ბ თან მიმართებით შენიშვნები არა გაქვთ (მით უფრო ვწერდი, რომ თითქმის ყველა მათგანის გადამოწმება არის შესაძლებელი ოფიციალურ ანუ სამთავრობო დონის საიტებზე).

სანამ თქვენ მიერ დასმული კითხვებზე გიპასუხებდეთ (რასაც აუცილებლად გავაკეთებ), მეც მაქვს ერთი შეკითხვა:

რის საფუძველზე აკეთებთ დასკვნას, რომ "თქვენ ანალიზში მხოლოდ რუსეთის მტრობა (რომელიც ჩვენი მტერია გეთანხმებით) და ნაციონალების მსუბუქი კრიტიკა დავინახე", მით უფრო იმ ფაქტის გათვალისწინებით, რომ, როგორც თქვენ თვითონვე აღიარებთ, "(რუსეთი რომ) ჩვენი მტერია გეთანხმებით"!
თუმცა ნათქვამში ერთ რამეს შეგისწორებდით - რუსეთი დ ღ ე ს არის ჩვენი მტერი ისევე, როგორც, ვთქვათ, ადრე ფაშისტური გერმანია იყო მტერი. თორემ ხვალ (მაზეგ მაინც) რომ ეს ქვეყანა ჩვენი მეგობარი გახდეს, შესაძლოა, მე თქვენზე მეტად მინდოდეს (ბოლოს და ბოლოს, ოჯახური მდგომარეობისა და არცთუ ცოტა რუსი მეგობრის ყოლის გამო!)

შემდეგ, როდესაც ვწერდი, რომ წინა ხელისულების დროს არა მარტო გადაცდომებს, არამედ დ ა ნ ა შ ა უ ლ ე ბ ე ბ ს ა ც ჰქონდა ადგილ;ი, ამას თუ "მსუბუქ კრიტიკად" მიიჩნევთ, თქვენი ნებაა!!! კი, ბატონო, ამასაც დაგიჯერებდით, მაგრამ იმ შემთხვევაში, ამ ხელისუფლების დროს, როგორც ვწერდი, მინიმუმ ს ა ე ჭ ვ ო ვ ი თ ა რ ე ბ ა შ ი დაღუპულ და ხშირად თ ვ ი თ მ კ ვ ლ ე ლ ა დ შერაცხულ ადამიანებზეც რომ დაგეძრათ ერთი-ორი სიტყვა! თან, ქრისტიანული თვალსაზრისით, ამ უზარმაზარი ცოდვის დაბრალება ხომ ადამიანის ხელმეორედ მკვლელობაა!!!

ახლა კი:
1) ცხადია, მიშას დროსაც იყო ტელევიზიებზე ზეწოლა, მაგრამ ხომ არსებობდა რამდენიმე ოპოზიციური ტელეარხი, რომელიც არავის დაუხურავს. რაც შეეხება პატარკაციშვილს და მის "იმედს"... მოდით, ბატონ ჯამსუღ ჩარკვიანის ოჯახს ვკითხოთ, ვინ და რა ბიოგრაფიის მქონე პირი გახლდათ ამ ადამიანის დაცვის უფროსი, ამასთან, ურიგო არ იქნებოდა, ხელახლა გეხილათ ბატონ ბადრისთან ლონდონში მისგან ფარულად გაკეთებული ჩანაწერი... და ვიყოთ ობიექტურნი, ტელევიზიების დაჩაგვრა კი არა, მთელი რუსთაველი იყო თვეების განმავლობაში გადაკეტილი, ხოლო ერთი ქალბატონი რუსეთიდან სპეცნაზის ჩამოფრენას ელოდა და რა?!... როგორ მოიქცეოდა ასეთ შემთხვევებში ნ ე ბ ი ს მ ი ე რ ი ცივილიზებული ქვეყნის მთავრობა?! არაცივილიზებულზე არაფერს ვიტყვი (ესეც, წინსწრებით, პასუხი თქვენს მესამე კითხვაზე!).

2) წერთ, "მკვლელობები, რომლებიც არ ხმაურდებოდა". მაინც რომელი? სანდრო გირგვლიანის მკვლელობამ ქვეყანა შეძრა, პირადად ვიცნობ ბატონ გურამ გირგვლიანს - უშესანიშნავეს ადამიანს, რომლის ტრაგედია ქვეყნის ტრაგედიად იქცა... მაგრამ ის თუ იცით, რომ მარტო იმ ფაკულტეტზე, სადაც ეს ადამიანი მოღვაწეობს, უფრო ადრე 10 (დიახ, ა თ ი !) თანამშრომელი ან მათი ოჯახის წევრია მოკლული და... რა?!!! ამ ხელისუფლებამ ნიკა ლომინაძის, გია გაბუნიას (ეს სახელები ფართო საზოგადოებამაც იცის!) თუ რომელი საქმე გამოიძია?!! მეტიც, დ ა ა წ ი ნ ა უ რ ა (?!!!) კიდეც ამ საქმეში მეტად ცუდი როლის შემსრულებელი მოსამართლეები: ჩემია და მურუსიძე, ხოლო ერთ-ერთ უშუალო დამნაშავე მელნიკოვს მხოლოდ 9 თვით პატიმრობა აკმარა (და სად იმყოფება ის ახლა?! ნუთუ ეს ყველაფერი ეჭვებს მაინც არ აღგიძრავთ?!!!), აღარაფერი რომ ვთქვათ ბოლო, არასრულ 5 წელში მოხდარი არცთუ ცოტა დანაშაულის შესახებ (რის თაობაზე ადრე ვწერდი), მაგრამ... საინტერესოა, იმის თუ გჯერათ, რომ პაწია ბარბარე „საზიზღარ“ ღვინიაშვილს მოუკლავს ან უფრო „მსუბუქი “ ვერსიისა - პაწია თურმე ქვევრში ჩაბობღებულა და ზემოდან სახურავიც თვითონვე წაუფარებია?!! არ დაგაეჭვათ, რატომ ემუქრებოდა ჯერ ქალბატონი ბერიკაშვილი ხელისუფლებას და ახლახან ქალბატონი დოლიძე ამ უკანასკნელს?!!!

ისევ რუსულ თემას მივუბრუნდები. ჩემი ნაკლებად კომპეტენტური გადასახედიდან, ყველაზე დიდ მწერლად ლევ ტოსტოი მიმაჩნია, რომელსაც, გადმოცემოთ, ქართველები მაინც და მაინც არ უყვარდა (ალბათ, ჰქონდა ამის მიზეზი). ამ გენიალური მწერლის და ადამინიას ერთ-ერთ, საბავშვო მოთხრობაში მოხუცი ჯადოქარი მოზარდს ასწავლის, თუ მხოლოდ ერთი სიტყვით როგორ შეიძლება მოხსნას მის წინაშე მდგარი ნებისმიერი პრობლემა.
საქართველოში არსებული სიტუაციის ასახსნელად უფრო მრავალსიტყვიანი ვიქნები. ამისათვის მთელი 3 (ო რ ი !) სიტვის წარმოთქმაა საჭირო.
აი, ეს სიტყვებიც:
გენერალი სერგო დავლიანიძე.

ამიტონაც წამოსცდა ერთხელ ბატონ ბიძინას (ჩანს ქვეცნობიერის დონეზე, ფროიდისეულად):
ძამა, 20130 წლამდე აფერი გეშველებათო!
(სწორედ მაშინ გადის ბიბლიური 40 წელი).
ასე რომ, ვიჩქაროთ ნელა (თუ იქამდე მივაღწიეთ)!
16:30 / 27-09-2017
VETERANI
2
ბრწყინვალე მიმართვაა
მსგავსი სიახლეები
აქციის შემდეგ როდესაც მიხეილ სააკაშვილი მანქანისკენ მიემართებოდა, უცნობმა პირმა ხალხში ცრემლსადენი გაზი გამოიყენა.
სახელმწიფო საიმიგრაციო სამსახურმა ჯერჯერობით სააკაშვილის მოთხოვნას არ უპასუხა
+VIDEO მოსამართლის გადაწყვეტილებით მიხეილ სააკაშვილი ცნობილია დამნაშავედ
მიხეილ სააკაშვილს ბრალად ედება საზღვრის უკანონოდ გადაკვეთა
"ძალიან უსიამოვნო იყო ჩემთვის, რომ ორი დღეა მიმდინარეობს პროპაგანდა, თითქოს დავარღვიე კანონი"
2010 წელს სასტუმრომ დაიმსახურა World Travel-ის პრემია ნომინაციაში "უკრაინის საუკეთესო სასტუმრო"
ამ კატეგორიის სხვა სიახლეები
11:40 / 23-10-2017  Image ავარია ხაშურთან: საჩხერის "ჩიხურას" ავტობუსი ამობრუნდა, დაშავებულია გუნდის კაპიტანი
ფეხბურთელები ბათუმის "დინამოსთან" მატჩის შემდეგ დედაქალაქში მოემგზავრებოდნენ
13:09 / 23-10-2017  Image ვინ იქნება და რა ქონებას ფლობს დედაქალაქის საკრებულოს მომავალი თავმჯდომარე?
თბილისის საკრებულოს ახალი თავმჯდომარე გიორგი ტყემალაძე იქნება
10:45 / 23-10-2017  Image Monolith City - მონოლით ჯგუფის პასუხი მომავლის გამოწვევებს
Monolith City შენდება ძველ თბილისში, ორთაჭალაში, გორგასლის მოედნიდან 400 მეტრის მოშორებით
12:15 / 23-10-2017  Image 5 პარტია, რომელმაც არჩევნებზე ყველაზე ნაკლები ხმა მიიღო - ერთ-ერთს მხოლოდ 75-მა ადამიანმა მისცა ხმა
საბოლოო შედეგებს ცენტრალური საარჩევნო კომისია რამდენიმე დღეში გამოაქვეყნებს
09:00 / 23-10-2017  Image ზეციური იერარქია - ყველაფერი, რაც ანგელოზთა დასების შესახებ უნდა იცოდეთ
"ანგელოზებად" იწოდებიან მხოლოდ ზეციურ ძალთა ყველაზე ქვედა საფეხურზე მყოფი არსნი
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49