გიორგი ნაზღაიძე - "ეს ყველაფერი იმის ბრალია, რომ ყველა უვიცი გახადეს ვითომ ვარსკვლავი!"

მოდელი და რადიოწამყვანი გიორგი ნაზღაიძე შორენა ბეგაშვილისა და თიკო სადუნიშვილის დაპირისპირებას "ფეისბუქით" ეხმაურება.

"ე.ი. რა ქვეყანაში ვცხოვრობთ, რომ შოუბიზნესის წარმომადგენლები ერთმანეთის გლეჯაზე გადავიდნენ სოციალური ქსელის მეშვეობით და, ყველაზე მთავარი, ამ ლანძღვაში სხვა მომხმარებლები like-ით უერთდებიან. ვაი, საცოდავო ქვეყანა, მო...ნ შოუბიზი. ადამიანები თავის ინტელექტს როგორ მარტივად ამჟღავნებთ. ეს ყველაფერი იმის ბრალია, რომ ყველა უვიცი გახადეს ვითომ ვარსკვლავი!!!", - წერს ნაზღაიძე.

ამ დღეებში ინტერნეტით ტელეწამყვან თიკო სადუნიშვილის ინტერვიუ გავრცელდა, რომელშიც ის მსახიობ შორენა ბეგაშვილთან ძველი დაპირისპირების დეტალებს იხსენებდა. თიკოს ინტერვიუს შორენა გამოეხმაურა და ტელეწამყვანს რამდენიმე ბრალდება წაუყენა.