საქართველოს ყოფილი პრეზიდენტი, მიხეილ სააკაშვილი ამერიკის შეერთებულ შტატებში უკრაინის პატრიარქს, ფილარეტის შეხვდა. ამის შესახებ მიხეილ სააკაშვილი "ფეისბუქში", საკუთარ გვერდზე წერს.
მიხეილ სააკაშვილმა კიევის პატრიარქს 85 წლის იუბილე მიულოცა.
პატრიარქმა საუბრისას კიდევ ერთხელ გაამახვილა ყურადღება მიხეილ სააკაშვილის პრეზიდენტის რანგში ბოლო გამოსვლაზე გაერო-ს გენერალური ასამბლეის სხდომაზე და ამ მოხსენების მნიშვნელობაზე ისაუბრა. ამასთან, შეხვედრის ერთ-ერთი მთავარი თემა უკრაინაში მიმდინარე მოვლენები იყო.
პატრიარქმა ფილარეტმა მიხეილ სააკაშვილს მის მიერ დაწერილი წიგნი გადასცა საჩუქრად.