ბოდიბილდინგი საქართველოში

ბოდიბილდინგი საქართველოში დღითიდღე პოპულარული ხდება. მიუხედავად იმისა, რომ სპორტის ეს სახეობა XX ს-ის დასაწყისში ჩამოყალიბდა. საქართველოში ენთუზიაზმით დაკომპლექტებულმა ჯგუფებმა განავითარეს. უკვე არსებობს სავარჯიშო დარბაზები. ქართველმა ბოდიბილდერებმა საკუთარი შესაძლებლობები მსოფლიო ასპარეზე წარმოაჩინეს.

რა არის ბოდიბილდინგი და რა არის საჭირო, რომ სპორტის ამ სახეობის მიმდევრები გავხდეთ? თქვენს კითხვებს საქართველოს მსოფლიო ჩემპიონი ჰყავს ნატურალურ ბოდიბილდინგში, ვატო კოპაძე პასუხობს.

დათო:

რა განსხვავებაა პროტეინისა და ამინომჟავების მიღებას შორის?

- ე.წ პროტეინი არის კონცენტრირებული ცილა. ხოლო ამინო9მჟავები არის ის კომპონენტები, რისგანაც შედგება პროტეინი. პროტეინში არის დაახლოებით 20 სახის ამინომჟავა. ვარჯიშის დროს უმჯობესია ორივე მივიღოთ. ჩემი რჩევა იქნება, თუ საკმარისი რაოდენობის პროტეინს ვიღებთ დღე-ღამის განმავლობაში, მივიღოთ ამინომჟავების სახით. თუ საკმარისი პროტეინი არ არის, მაშინ უმჯობესია ეს შევავსოთ საკვები დანამატებით.

დათო:

სად შეიძლება (whey) პროტეინის ყველაზე იაფად ყიდვა თბილისში?

- whey პროტეინი არის რძის შრატისგან დამზადებული პროტეინი. მისი შეძენა შეიძლება სპორტულ მაღაზიებში. რომელიც არის სპეციალურად ამ საკვები დანამატებისთვის. ყველაზე იაფად არ ვიცი, მაგრამ შემიძლია გირჩიოთ, რომ მიიღოთ მხოლოდ სერთიფიცირებული პროდუქცია.

გოგა:

მინდა ვარჯიშის დაწყება და სად შეიძლება თბილისის მაშტაბით რომ ვივარჯიშო. რამდენია საშუალოდ თვეში გადასახადი?

-მე შემიძლია რეკომენდაცია გავუწიო ”ასპრია ფიტნესს”. სადაც გადასახადი არის 100 ლარი, მომსაქხურება 24 საათიანი, აქ არიან გამოცდილი მწვრთნელები, რომლებიც დაგეხმარებიან პროგრამის შედგენაში და თვალყურს ადევნებენ თქვენს ვარჯიშს. ასევე არის სავარჯიშო დარბაზები, საბურთალოზე, გლდანში, დიდუბეში და ვაკეში. ასე რომ შეგიძლიათ საკუთარ რაიონში ივარჯიშოთ.

ნოკაუტი:

ჩემი დაკვირვებით, ხელის მტევნებით სიმძიმის აწევა შედარებით ნაკლებ ეფექტურია, ვიდრე მაჯებით. მაგალითად, სკოტის სკამზე სტანდარტულ მდგომარეობაში შტანგის ან ჰანტელის აზიდვისას ბეჭები არასრულად იტვირთება, ვინაიდან ნაწილი დატვირთვისა ნაწილდება წინამხარზე.

ანალოგიური ვარჯიშის მაჯებით განმეორებისას, ბეჭები იღებს ზუსტ "წერტილოვან დარტყმას"...

ეთანხმებით თუ არა ამ ვერსიას და დადებითი პასუხის შემთხვევაში, რატომ არ იყენებს ვარჯიშის ამ მეთოდს ბოდიბილდერები და შესაბამისად არ შეაქვს ცვლილება კონსტრუქტორ-დიზაინერებს ტრენაჟორების მოჭიდების სეგმენტში? (ვგულისხმობ მაჯით ვარჯიშზე გადაიარაღებას).

-კითხვა არ არის სწორად დასმული. იმიტომ, რომ ეს პიროვნება აღნიშნავს სკოტის ტრენაჟორს. სკოტის ტრენაჟორზე ბეჭის ვარჯიში საერთოდ არ ხდება. სკოტის ტრენაჟორზე ხდება ბიცეფციის, ანუ ხელის ბიცეფცის ვარჯიში და ამიტომ რთულია ამ კითხვაზე პასუხის გაცემა, რადგან ბეჭები საერთოდ არ არის ჩართული ამ ვარჯიშში. თვითონ ბეჭი - ეს ტერმინი ბოდიბილდინგში არ გამოიყენება.

მკითხველი წიე:

მაინტერესებს რა დროში არის შესაძლებელი ამ სახეობით ჭარბწონიანობის დაძლევა (მაგალითად მე ვარ 1,72 სმ ვარ 86/87კგ), რა დროის მანძილზე შემეძლება ზომიერი წონის დაბრუნება. რა ინტენსივობის ვარჯიში დამჭირდება და რა დამიჯდება ეს ყველაფერი?

-წონის დაკლება არის ინდივიდუალური. ადამიანები განსხვავდება ერთმანეთისგან. ნივთირებათა ცვლა სხვადსხვანირად აქვს ყველა ადამიანს. ასევე დღის რეჟიმზე არის დამოკიდებული ეს ყველაფერი. თუ ერთი ადამიანი სწრაფი ნივთირებათა ცვლით ორ თვეში მოუნდება დასახული მიზნის მიღწევას, მეორე ადამიანი მოუნდება ოთხი თვის მანძილზე. ოთხი თვის მანძილზე ნამდვილად მიაღწევს მიზანს, თუ დაიცავს სწორ კვებას და ივარჯიშებს სწორად.

თემო:

გთხოვთ, გვითხრათ სამ დღიანი სავარჯიშო პროგრამა მასის მომატებაზე.

-პროგრამის თქმა ძალიან ინდივიდუალურია. მაგრამ შემიძლია გირჩიოთ მასის მომატების დროს ყურადღება მიაქციონ და გააკეთონ საბაზისო ვარჯიშები მძიმე წონებზე. რაც შეეხება სამ დღიან პროგრამას, უმჯობესია თითო კუნთი ავარჯიშონ კვირასი ერთხელ. მაგალითად: თუ ორშაბათს ივარჯიშებენ მკერდს და ზურგის კუნთებს, ოთხშაბათს უკვე სხვა კუნთები გააკეთონ. ასევე პარასკევს შეიძლება ფეხების კუნთების ვარჯიში. ორშაბათიდან ისევ დაუბრუნდეს მკერდის ვარჯიშს. ამ სისტემით გამოდის რომ კვირაში ერთხელ ავარჯიშებს ერთ კუნთს და ამით მეტი დრო ეძლევა კუნთს აღდგეს და მოხდეს ზრდა. ასევე დავამატებ, რომ წონაში მატების დროს ძალიან დიდი მნიშვნელობა ექცევა კვებას.

გიო:

წონაში მომატება მინდა და არ გამომდის. თუმცა ხშირად ვვარჯიშობ სიმძიმეებზე. რას მირჩევთ?

-ძალიან კარგია, რომ სიმძიმეებზე ვარჯიშობთ, მაგრამ მეტი ყურადღება უნდა მიაქციოთ კვებას. სწორი კვება ეს არის: საკუთრი წონის ერთ კილოგრამზე უნდა მიიღონ დაახლოებით 2 გრამი ცილა. 4 გრამი ნახშირწყალი, ამ ყველაფრის (რაციონის ) საერთო 20 პროცენტი უნდა იყოს ცხიმები.

გიო:

გთხოვთ, გვითხრათ არის თუ არა საჭირო სპორტული დანამატების მიღება დასვენების დღეს, ანუ თუ გვაქვს კვირაში 3 დღიანი სავარჯიშო პროგრამა, დანარჩენ 4 დღეს ისეთივე ინტენსივობით უნდა მივიღოთ სპორტული დანამატები?

-კი. უკერთესი იქნება რა თქმა უნდა და ავხსნი რატომ. ერთადერთი გამონაკლისი არის ენერგეტიკა. ესეც შედის სპორტულ დანამატებში და ენერგეტიკის მოხმარება ხდება მხოლოდ და მხოლოდ ვარჯიშის წინ. დანარჩენი სხვა დანამატები უმჯებესის ყოველდღე მივიღოთ. ეს დანამატები ეხმარება კუნთს აღდგენაში. აღდგენა როგორც ვარჯიშის დღეებში და დასვენების დღეებშიც იგივე ინტენსივობით ხდება.

2:

რომლის მიღებას გვირჩევთ სპორტსმენებს: პროტეინის, ამინოს თუ ორივეს კომბინირებულად?

-უმჯობესია რა თქმა უნდა კომბინირებულად. თუ მაინცდამაინც ერთი უნდა ავირჩიოთ და თუ ჩვენი დღიური ნორმა პროტეინის არის დაბალანსებული და ორ გრამს ვიღებთ ერთ კილოგრამზე, მაშინ შეგვიძლია შევცვალოთ და ამინომჟავები მივიღოთ. ამით უფრო დავეხმარებით კუნთის აღდგენას. თუ ვერ ვასრულებთ ერთ კილოგრამზე ორ გრამს და პროტეინის ნორმა არ არის საკმარისი. რა თქმა უნდა უმჯობესია ამ რაოდენობის შევსება მოვახდინოთ პროტეინით.

ჩემი რაციონი შემი9ძლია მოგიყვეთ, მაგრამ ეს არ ნიშნავს, რომ ყველამ ასე უნდა იკვებოს.

ჩემი რაციონი შედგება ორი პერიოდით: როცა ვემზადები შეჯიბრისტვის და არ ვემზადები. როცა არ არის საშეჯიბრო სეზონი, მაგ პერიოდში ვარჯიშობ მხოლოდ ერთხელ დღეში და ვიკვებები 6-7-ჯერ.

გიორგი:

მაქვს ხერხემლის პრობლემები. მე-10, მე-11 მალებს შუა დისკის ამოვარდნილობა. ადრე ვვარჯიშობდი. რაც ეს პრობლემა შემექმნა თავი დავანებე ვარჯიშს. მაინტერესებს, თუ არის თბილისში ისეთი დარბაზი, სადაც ასეთი პრობლემის მქონე ადამიანებს ავარჯიშებენ ბოდიბილდინგში?

-ზუსტად ვერ გეტყვით სპეციფიური დარბაზი თუ არსებობს. მაგრამ ნებისმიერ დარბაზში, თუნდაც აქ, არიან კვალიფიციური ტრენერები, რომლებიც შეგიდგენენ პროგრამას და თვალყურს ადევნებენ ვარჯიშს და წინსვლას.

ზაზა:

ღიპის დაგდებაზე თუ არის თქვენთან საუბარი, ეს ძალიან მაწუხებს, შეგიძლიათ რამე მირჩიოთ ?

-ღიპის დაგდება ესეც საკმაოდ გავრცელებული პრობლემა არის. ამ კუთხით ორი პრობლემა არის. 1. კანქვეშა ცხიმი, რომელიც არის მუცელზე და 2. მუცლის ღრუს შიდა ზრდა. ორივე შემთხვევაში მთავარი არის სწორი კვება. პირველ შემთხვევასი რომ მოხდეს ცხიმის წვა და მეორე შემთხვევაში ნაკლები საკვების მიღებით მოხდეს მუცლის ღრუს დაპატარავება. ასევე საჭიროა პრესის ვარჯიშები. რათა უფრო გამაგრდეს მუცლის კუნთი და და უფრო დაიჭიროს მუცლის ღრუ გამობერილობისგან.

გიორგი:

სად შეიძლება და ვისთან პროფესიული კუთხით ამ სფეროში ძალების მოსინჯვა?

-ბოდიბილდინგი არის ინდივიდუალური სპორტი. ამიტომ აქედან გამომდინარე ნებისმიერ დარბაზში შეგიძლიათ მიხვიდეთ სადაც არიან კვალიფიციური მწვრთნელები, რომლებიც დაგარიგებენ და დაგიწერენ პროგრამას, რომლის მიხედვითაც ივარჯიშებთ.

მე არ გამოვსულვარ საქართველოში შეჯიბრებებზე, მაგრამ რამდენადაც ვიცი წელიწადში ორჯერ ტარდება ჩემპიონატი და შეუძლიათ იქ მოსინჯონ ძალები.

მე ბავშვობიდან ვვარჯიშობ, სულ ვვარჯიშობდი, მაგრამ საშეჯიბრო ბოდიბილდინგით დავინტერესდი დაახლოებით ორი წლის წინ. მივიღე მონაწილეობა ორი წლის წინ ნატურალურ ბოდიბილდინგში (რაც მოიცავს ბოდიბილდინგს აკრძალული ნივთირებების გარეშე). პირველად გამოვედი საბერძნეთში და გავხდი აბსოლიტური ჩემპიონი. შემდეგ გამოვედი ჩეხეთში ევროპის ჩემპიონატზე სადაც მეორე ადგილი დავიკავე.

ნახეთ ვიდეო